03.05.2018

ЁШ ЁНҒИН ЎЧИРУВЧИЛАР МУСОБАҚАСИ

Яшнобод туманида жойлашган мактаб ва касб-ҳунар коллежлари ўртасида ёнғин ўчириш амалий спорти бўйича саралаш мусобақалари ўтказилди.

Мусобақадан кўзланган мақсад ёшларга соғлом турмуш тарзини татбиқ этиш, ёнғин ўчирувчи касбига қизиқтириш, ёнғин чоғида тўғри ҳаракат қила олиш кўникмаларини шакллантириш ҳамда ёнғин ўчириш амалий спортини янада ривожлантиришдан иборат.

Дастлаб саралаш ўйинлари чоғида жамоалар тузилиб, махсус тайёргарликдан сўнг туман миқёсида Ўзбекистон ёшлар иттифоқи Яшнобод туман кенгаши билан ҳамкорликда мусобақалар ўтказилди. Биринчи босқичда ўсмирлар ва ёшлар 100 ва 1000 метрга югуриш, спорт тўсинида тортилиш бўйича куч синашди. Ёнғин хавфсизлиги қоидалари бўйича савол-жавоб синовидан ўтишди.

Fолиблар мусобақанинг Тошкент шаҳар босқичида иштирок этиш учун йўлланмани қўлга киритишди.

 

Ботир МИРЗАЕВ,

Яшнобод тумани ЁХБ бошлиғи ўринбосари, подполковник.


Фикр ва мулохазалар

Защита от автоматических сообщений

Сўнгги янгиликлар: