Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
01.05.2018

«ИСТЕЪДОДЛАР ОСМОНДАН ТУШМАЙДИ»

— Нуралини биринчи курслигидан биламан. У маслаҳат сўрашдан, изланишдан тўхтамайдиган, билимга чанқоқ ўқувчи. Тарбияси, одоби, ички дунёси гўзал, шунинг учун ҳам чизган расмларида самимийлик бор, — дейди ёш рассомнинг устози, Бенков номидаги Республика рассомлик коллежи ўқитувчиси Хурсаной Иноғомова.

— Расм чизишга болалигимдан қизиқаман, — дейди Нурали Неъматов. — Шунинг учун ота-онам Тошкент шаҳридаги 30-сонли мусиқа ва санъат мактабига ўқишга беришган. У ерда менга Неля Изгереева устозлик қилди. Кўплаб танловларда иштирок этдим. 9-синфда ўқиётганимда Германия ва Ўзбекистон ҳамкорлигида ташкил этилган халқаро танловда «Ёввойи табиат» мавзусига доир ишларим билан қатнашиб, 2-ўринни қўлга киритдим. Шу­нинг­дек, мусиқа ва санъат мактаблари ўртасидаги мусобақанинг Республика босқичида графика йўналиши бўйича 1 ўринни эгаллаганман. 2015 йил Бенков номидаги Республика рассомлик коллежига ўқишга кирдим. Ҳозир 3-курсда ўқийман.

Ўзбекистон Бадиий академия­сида яқинда бўлиб ўтган тасвирий ва амалий санъат фести­валида графика йўналишида ­иштирок этиб, олтин медални қўлга киритдим. Халқаро санъат фестивали иштирокчиларининг ёши чегараланмаган бўлиб, унда хорижлик рассомлар ҳам қатнашди.

— Ҳар бир болада туғма қобилият бўлади. Буни кимдир англайди, кимдир англамайди, — дейди Хурсаной Иноғомова. — Аллоҳ бандасининг қалбига санъат уруғини қадаган бўлса, у вақти соати етиб, куртак отиб юзага чиқади. Боғбонлар бўлмиш ота-она ва устоз яхши эътибор берса бир кун келиб, гулга киради, барг ёзади. Фарзандини иқтидорини вақтида сезиб тўғри йўлга йўналтиришгани учун ­Нуралининг ота-онасига раҳмат айт­моқчиман.

Нуралига 3-курсдан бошлаб таълим бера бошладим. Шо­гирд­ларим сўнгги 4 ойда турли танловларда 27 диплом, 1 олтин медални қўлга киритишди. 2 грант ютишди. Бугунги кунда Нурали «Алпомиш» асари устида иш олиб боряпти. Санъат ҳафталигида ҳам «Алпомиш»дан парча тақдим қилди. Бир сўз билан айт­ганда, инстеъдодлар осмондан тушмайди. Улар сизу бизнинг эътиборимизга, ғамхўрлигимизга, меҳримизга муҳтож.

 

Шаҳбоз САИДОВ,

«Ўзбекистон овози» мухбири.



DB query error.
Please try later.