Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
24.04.2018

БОШЛАНҒИЧ ТАШКИЛОТЛАРНИНГ ИЛҒОР ИШ ТАЖРИБАСИ КЕНГ ОММАЛАШТИРИЛАДИ

Андижонда «Бошланғич партия ташкилоти — асосий таянч» мавзусида республика амалий семинари бўлиб ўтди.

Тадбирда Ўзбекистон Халқ демократик партияси марказий кенгаши масъул ходимлари, партиянинг Қорақалпоғистон Республикаси, вилоятлар ва Тошкент шаҳар кенгашларининг бошланғич ташкилотлар билан ишлаш секторлари мудирлари, халқ депутатлари вилоят, туман ва шаҳар Кенгашларидаги партия депутатлик гуруҳи аъзолари, партия фаоллари, кенг жамоатчилик вакиллари иштирок этди.

Семинарда партиянинг сайловолди дастури ҳамда ҳаракат дастурида белгиланган вазифалар ижросини таъминлаш, бошланғич ташкилотлар фаолиятини такомиллаштириш, уларнинг илғор иш тажрибасини оммалаштириш, намунали иш юритаётган бошланғич ташкилотларни доимий рағбатлантириб бориш, аъзолар сонини кўпайтириш каби масалалар хусусида фикр алмашилди.

— Айни пайтда партия вилоят кенгашининг 870 бошланғич ташкилоти сафига 36 мингдан зиёд аъзо бирлашган, — дейди Ўзбекистон Халқ демократик партияси Андижон вилояти кенгаши раиси Абдулҳамид Нурматов. — Партия аъзолари, айниқса, бошланғич ташкилотлар жойларда мавжуд муаммоларни кенг жамоатчиликка етказиш ва уларни ҳал этиш борасида самарали натижаларга эришмоқда. Ўтказилаётган тадбирдан кўзланган асосий мақсад ҳам бошланғич ташкилотлар тажрибасини кенг оммалаштиришга қаратилган.

Тадбир иштирокчилари Қўрғонтепа тиббиёт диагностика ҳамда Қорасув шаҳар давлат санитария-эпидемиология назорати марказлари, Асака шаҳридаги «GM O»zbekiston» корхонасидаги партия бошланғич ташкилотлари фаолияти билан танишди.

Семинарда Андижон вилоятидаги бошланғич партия ташкилотларининг илғор иш тажрибасини республика миқёсида оммалаштиришга келишиб олинди.

Тадбир доирасида партия марказий кенгаши томонидан бошланғич партия ташкилотлари фаолиятини қўллаб-қувватлаш ва рағбатлантириш, партия аъзолари сафини кенгайтириш, ўз вакиллари орқали кенг жамоатчилик орасига чуқур кириб бориш мақсадида илк бор намунавий тарзда ўтказилаётган «Ўзбекистон Халқ демократик партиясининг энг намунали бошланғич ташкилоти» танлови ҳам бўлиб ўтди. Унда туман ва шаҳарлардаги энг намунали 17 бошлан­ғич ташкилот иштирок этди.

Хонобод шаҳар «Кампирровот» маҳалла фуқаролар йиғинидаги Ўзбекистон Халқ демократик партия­си бошланғич ташкилоти биринчи ўринни эгаллади ва танловнинг мамлакат босқичида қатнашиш ҳуқуқини қўлга киритди.

Танловда Қорасув шаҳар давлат санитария-эпидемиология назорати маркази ҳамда Марҳамат туманидаги Ўқчи пахта тозалаш заводидаги партиянинг бошланғич ташкилотлари иккинчи ва учинчи ўринларга сазовор бўлди.

Ғолиб ва совриндорлар партия вилоят кенгашининг диплом ва эсдалик совғалари билан тақдирланди.

 

Ф.УБАЙДУЛЛАЕВ,

ЎзА мухбири.



DB query error.
Please try later.