Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
07.04.2018

«УРУШ ЙЎЛИ» АФҒОН ХАЛҚИНИНГ ЎЗ ТАНЛОВИ ЭМАС...

Абдужамил СОДИҚОВ, халқ депутатлари Сергели туман Кенгашидаги ЎзХДП гуруҳи аъзоси:

— Бугунги кунда Марказий Осиёда янги муҳит юзага келмоқда. Бу эса келажак учун жуда муҳимдир. 26-27 март кунлари «Тинчлик жараёни, хавфсизлик соҳасида ҳамкорлик ва минтақавий шериклик» мавзусида Афғонис­тон муаммосига бағишланган юқори даражадаги Тошкент халқаро конференциясида билдирилган фикрлар буни яна бир бор тасдиқлади.

Афғонистондаги уруш қанчадан-қанча бегуноҳ одамларнинг ёстиғини қуритди, унинг совуқ нафаси бошқа юртларга ҳам етиб борди.

Агар Афғонистондаги нотинчликка ўз вақтида чек қўйилганда минглаб инсонлар қурбон бўлмас, диний экстремистик ҳаракатлар илдиз отмас эди. Конференцияда таъкидланганидек, жафокаш афғон халқи заминидаги тўқнашувлар, «уруш йўли» афғон халқининг ўз танлови эмас, аксинча четдан тиқиштирилган фитна натижасидир.

Давлатимиз раҳбари Афғонистондаги вазиятни барқарорлаштириш бўйича Ўзбекистон позициясини баён қилди, аниқ таклифлар билдирди. Шунингдек, минтақавий иқтисодий жараёнларни ривожлантириш йўлида қатор ташаббусларни илгари сурди.

Мазкур конференция ўз формати ва Афғонистон муаммоси бўйича аниқ ечимлар топишга қаратилгани билан бошқа анжуманлардан фарқ қилади. Чунки унда тинчлик сари ҳаракатнинг асосий шарти минтақа ва Афғонистон учун ягона, кенг қамровли дастурни ишлаб чиқиш ғояси ўртага ташланди. Бунда қўшни ва ҳамкор давлатларнинг саъй-ҳаракатлари бир-бирини тўлдириши керак. Муаммони ҳал этиш бўйича ўзаро келишилган чора-тадбирлар ишлаб чиқиш орқали кутилган натижага эришилади, албатта. Вазият ғоят кескин тус олгани боис, сиёсий жараёнларни бошлашни кечиктириш яна кўплаб бегуноҳ инсонлар қурбон бўлишига олиб келади. Демак, аниқ механизм ва махсус дастур асосидаги саъй-ҳаракатгина Афғонистонда барқарорликни ўрната олади.

Бугунги кунда айрим геосиёсий кучларнинг Афғонистонда юзага келган вазиятдан ўз мақсадлари йўлида фойдаланаётгани ушбу давлатда аҳволни яхшилашга бўлган интилишларга тўсқинлик қилмоқда. Оқибатда террорчи ташкилотлар гуруҳлари мамлакат ичкарисига кўпроқ кириб бориши ва уни ўз полигонига айлантиришига йўл очилмоқда.

Афғонистон муҳим трансчегаравий ҳудудда жойлашган. Шунинг учун бу мамлакатда тинчлик ўрнатиш, ижтимоий-иқтисодий инфратузилмани тиклаш, тўғрисидаги таклиф ва ташаббуслар маъқулланди. Бугун вазият барча бирлашиб, Афғон халқига тинчлик ва тараққиёт йўлида ёрдам қўлини чўзиш, уни қўллаб-қувватлаш ҳар қачонгидан ҳам зарур эканини кўрсатмоқда.

Яна бир ҳақиқат бор. Олиб борилаётган саъй-ҳаракатлар фақатгина Афғонистоннинг келажаги учун эмас, балки умумий хавфсизлигимиз, терроризм, фанатизм ва зўравонликдан холи дунё учун курашишни англатади. Шу боис Афғонистон муаммосига бепарво қараш келажакка, тинчликка, тараққиётга бепарво қараш, деб баҳоланмоғи керак. Бу ҳақиқатни тушиниш, тан олиш, ундан хулоса чиқариб, чора-тадбирлар белгилаш муҳим аҳамиятга эга.



DB query error.
Please try later.