Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
03.04.2018

АМАЛИЙ ИШЛАР ПАРТИЯНИНГ ЮЗИ

Ўзбекистон ХДП Тошкент вилоят кенгашининг пленуми танқидий руҳда ўтди.

— Ҳаёт партия аъзолари ҳамда депутатлардан ташаббускорлик билан иш олиб боришни талаб қилмоқда, — деди ЎзХДП Тошкент вилоят кенгаши раиси Меҳрож Дархонов. — Аммо сусткашликка йўл қўйилаётган ҳолатлар ҳамон кузатилмоқда. Бугунги кунга қадар ­фаолиятини тўғри йўлга қўя олмаган 4 нафар туман кенгаши раисларига нисбатан интизомий жазо чоралари қўлланилди. Самарасиз фаолият кўрсатаётган 10 та бошланғич ташкилот фаолияти танқидий кўриб чиқилиб, бирлаштириб юборилди. Партия билан алоқасини узиб қўйган 10 дан ортиқ қуйи ташкилот билан қайта алоқа ўрнатилди.

Маҳаллий Кенгашлар депутатлари томонидан ўтган йилнинг 12 июлидан буён жами 514 та депутатлик сўрови юборилган бўлиб, 489 таси ижобий ҳал этилган. Қолганлари назоратда турибди.

Яна бир оғриқли нуқтамиз ҳақида айтиб ўтишни жоиз, деб биламан. Кўпинча партия ташкилотлари ўтказаётган тадбирларда жамият ҳаётида фаол иштирок этаётган хотин-қизлар жалб қилинаётганига гувоҳ бўляпмиз. Бу яхши, албатта. Аммо ишсиз, фарзанд тарбияси билан банд бўлган аёлларни ҳам эътибордан четда қолдирмаслик лозим. Олий ўқув юртлари ёки касб-ҳунар коллежларини тамомлаб, ишга жойлаша олмаётган опа-сингилларимизга амалий ёрдам кўрсатиш бизнинг вазифамиз эмасми аслида?..

Ёшлар билан ҳам етарли даражада алоқа ўрнатмаганмиз. Акс ҳолда 937 маҳаллада амалга оширилган жиноятда ёшлар иштироки кузатилмасди. Бу Тошкент вилоят партия кенгаши «Истиқбол» ёшлар қанотининг етарли даражада ­фаолият олиб бормаганидан, деб ўйлайман. Улар ўтказаётган тадбирларнинг амалий, таъсирчанлиги юқори бўлганда, бу ҳолатга тушиб қолмасдик.

Тошкент вилоятида ногиронлиги бўлган 40 минг нафардан ортиқ киши истиқомат қилади,деди Тошкент вилоят ногиронлар жамияти ­раиси Йўлдош Ёқубжонов. — Шундан 4229 нафари биринчи гуруҳ, 32931 нафари иккинчи гуруҳ, 7442 нафари эса учинчи гуруҳ ногиронлари ҳисобланади. Уларнинг орасида ногирон фарзандига ғамхўрлик қилиб ишлай олмаган ёки меҳнат фаолиятида узилиш бўлган оналар ҳам бор. Улар вақти келиб нафақага чиқишга қийналишаётганини билдиришмоқда. Соғлиқни сақлаш вазирлигининг бу борадаги тегишли қарорини ўргандик. Қарор бундай оналарнинг нафақага чиқишига асос бўлар экан, аммо унинг нусхаси ҳаммага ҳам берилмас экан. Депутат сўрови юбориб, қарор нусхасини олсак, вилоятимизнинг барча туман пенсия жамғармаси бўлимларига тарқатсак, мақсадга мувофиқ бўларди. Тўғри, бу жуда кичик, аҳамиятсиз муаммодек туюлиши мумкин. Аммо ногиронлиги бўлган фарзандининг парвариши билан банд она кўп вақтини кўчада, мутасадди ташкилотлар эшиги олдида ўтказа олмайди.

Пленумда тегишли қарорлар қабул қилинди.

 

Маҳлиё АЛИҚУЛОВА,

«Ўзбекистон овози» мухбири.



DB query error.
Please try later.