Охирги сонда



Кўп ўқилган мақолалар



Долзарб мавзу



Мақолалар архиви

«    Sentabr 2019   
Du Se Cho Pa Ju Sha Ya
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
27.03.2018

КАМЧИЛИКЛАР ҲАҚИДА КЎПРОҚ ЎЙЛАСАК, ФАОЛИЯТИМИЗДА ЎЗГАРИШ БЎЛАДИ

Нукус туманида ЎзХДП Қорақалпоғистон республика кенгашининг пленуми бўлиб ўтди. Унда партия кенгашлари ва депутатлик бирлашмалари фаолияти танқидий таҳлил қилинди.

— Ўтган йили 15 та туман (шаҳар) Кенгашларидаги партиямиз гуруҳлари ташаббуси билан электорат манфаатларига боғлиқ масалалар бўйича 17 мансабдор шахснинг ҳисоботи сессияларда кўриб чиқилган, — деди Қорақалпоғистон республика партия кенгаши раиси ўринбосари Нукусбой Ганиев. — Лекин бу натижа бизни қониқтирмайди. Сайловчилар билан 350 га яқин учрашув ўтказилган бўлса-да, уларда қонун лойиҳалари чуқур муҳокама қилинмаган, сайловчиларнинг таклиф ва мулоҳазалари олинмаган. Бу камчиликлардан тегишли хулоса чиқариб олишимиз керак.

Ўтган давр мобайнида фуқароларнинг банд­лигини таъминлаш ва реал даромадларини ошириш, аҳолига тиббий хизмат кўрсатиш, кам таъминланган фуқароларни ижтимоий ҳимоя қилиш, кексалар, ногиронлиги бўлган фуқароларни ҳар томонлама қўллаб-қувватлаш масалаларида муайян ишлар амалга оширилди. Хусусан, Бандлик ва меҳнат муносабатлари, Уй-жой коммунал хизмат кўрсатиш вазирликлари, Ногиронлар ва Кўзи ожизлар жамиятлари билан ҳамкорлик меморандумлари қабул қилиниб, улар доирасида амалий ишлар олиб борилди.

Сайловолди дастурида белгиланган вазифаларнинг ижросини таъминлаш, аҳолини манзилли қўллаб-қувватлаш мақсадида Жамоатчилик қабулхоналарига тушган 571 мурожаатнинг 93 фоизи ижобий ҳал қилинган. Қолган мурожаатларнинг ижроси назоратга олинган.

— Шаҳар ва туман партия кенгашларининг моддий-техник базасини мустаҳкамлашга алоҳида эътибор қаратиляпти. ЎзХДП Марказий Кенгаши томонидан Нукус туман кенгашига 62 миллион сўмга барча қулайликларга эга бино сотиб олиб берилгани бизни қувонтирди, — дейди Нукус туман партия кенгаши раиси ­Суйиндик Абдимуратов. — Албатта, бунга жавобан биз иш услубимизни тубдан ўзгартиришимиз керак. Электорат вакиллари билан мулоқотни тизимли йўлга қўйишимиз, халқ депутатлари туман Кенгашидаги партия гуруҳининг ишчанлигини оширишимиз талаб этилади.

2017 йил давомида партиямиз Ҳаракат дас­турида белгиланган вазифалар ижроси бўйича партия гуруҳлари ва доимий комиссияларда 80 масала, сессияларда эса 46 масала кўрилган ва тегишли қарорлар қабул қилинган. Депутатлар томонидан 364 депутатлик сўрови юборилган.

— Ўтган йили туман Кенгашида депутатларимиз ташаббуси билан 4 масала сессияда кўриб чиқилди, — дейди Амударё туман партия кенгаши раиси Махсуд Саъдуллаев. — Шундай хулосага келдикки, астойдил ҳаракат қилсак, натижа бўлар экан. Биз аҳолининг ижтимоий ёрдамга муҳтож қатламлари, ёлғиз яшовчи кексалар, пенсионерлар, ногиронлиги бўлган шахсларни қўллаб-қувватлаш, бу ишларда депутатлик гуруҳи назоратини кучайтиришга эътибор қаратишимиз керак.

Партия ташкилотлари фаолиятининг таҳлили шуни кўрсатмоқдаки, амалий ишларни кўз-кўз қилиш эмас, кўпроқ камчиликларимизни бартараф этиш ҳақида ўйлашимиз, аниқ чора-тадбир кўришимиз зарур.

Пленумда кўрилган масалалар юзасидан тегишли қарорлар қабул қилинди.

 

Минажатдин ҚУТЛИМУРАТОВ,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: