Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
27.03.2018

ИШИМИЗ ТАЛАБГА ЖАВОБ БЕРАДИМИ?..

Ўзбекистон Халқ демократик партияси Андижон вилоят кенгаши VIII пленуми бошланиши аввалида Ўзбекистон Қаҳрамони, Шаҳрихон туманидаги 53-мактаб директори Камолиддин Ғопировни партиядошлар даврасида учратдим. Улар пленум кун тартибига қўйилган масалалар хусусида мулоҳаза юритишарди.

— Партия ташкилотлари ва депутатлик гуруҳлари олдида турган вазифалар ҳар биримизни фидойиликка, уйғоқликка чорлайди, — деди Камолиддин Ғопиров. — Масъулиятни оширишимиз, кўпроқ одамлар орасида бўлишимиз, уларнинг мақсад-муддаоларига қулоқ тутишимиз керак. Шундагина электорат ишончини оқлаймиз, юзимиз ёруғ бўлади. Қуруқ гап билан иш битмайди. Амалий иш қилган ютади, элнинг дуосини олади.

— Кўнглимдагини айтдингиз, — деди вилоят архив иши ҳудудий бошқармаси бошлиғи, Андижон шаҳар Кенгашидаги ЎзХДП гуруҳи аъзоси Шаҳобиддин Ҳайдаров. — Ўзимизга талабчан бўлсак, бошланғич партия ташкилотлари фаолиятини жонлантирсак, ишимизда илгарилаш бўлади. Депутатларнинг маҳалла фуқаролар йиғинлари билан ҳамкорлигини кучайтириш керак. Ўзимнинг тажрибамни айтсам, маҳаллага бораман, сайловчилар билан кунора кўришаман. Жорий йилнинг биринчи чорагида катта-кичик идораларга 25 депутатлик сўрови юбордим. Уларда кўтарилган муаммоларни ҳал этмагунча тўхтамайман. 4 нафар фуқарога ногиронлик аравачаси келтириш ҳаракатидаман.

«Тахтакўприк» маҳалласидаги ёш оиланинг уйи ёнғин туфайли яроқсиз ҳолга келди. Улар бир нафар фарзанди билан қариндошиникида турибди. Ви­лоят Ёшлар иттифоқи фаоллари билан ушбу ёш оилага янги қурилаётган кўп қаватли уйлардан ажратилиши чорасини кўряпмиз.

«Қаландархона» маҳалла фуқаролар йиғинида оқсоқоллар билан кўришганимизда, ҳудуддан оқиб ўтаётган Оқровот каналини тозалаш зарурлигини билдиришди. Тегишли ташкилотлар жалб этилди.

Депутатлик сўрови асосида «Тўққизариқ» маҳалласида электр сим устунлари, замонавий русумдаги трансфарматор ўрнатилиши бошланганида кўпни кўрган кексалар дуо қилишди.

Партия фаоллари, депутатлар тиниб-тинчимаслиги керак. Шундагина сизу бизга ишонч ортади.

Пленум танқидий руҳда ўтди.

— Дастлабки пайтларда айрим идора, ташкилотлар сўровимизга беписандроқ қарашди, — деди Балиқчи туманидаги 45-мактаб директори, халқ депутатлари туман Кенгаши депутати Назокат Ҳакимова. — Талабчанликдан тегишли хулоса чиқаришди, ҳозир сергак муносабатда бўлишмоқда. «Аълам» маҳалла фуқаролар йиғини ҳудудидан ўтадиган Қорадарёнинг ўзанини мустаҳкамлаш ­Фавқулодда вазиятлар вазирлиги, Норин–Қорадарё ирригация сув ҳавзалари бош­қармаси кўмагида бажариляпти. 19 миллиард сўм маблағ ажратилди. Бу сингари 15 сўров асосида амалий ишлар қилиняпти.

— Пленумга долзарб масалалар қўйилган, — деб фикрини баён этди ЎзХДП Асака туман кенгаши референти Шаҳноза Сиддиқова. — «Йўл харитаси»га кўра, жойларга чиқяпмиз, фуқароларнинг муаммоларини ўрганяпмиз. Одамлар кўнглини очиб, кўмак сў­рашяпти. «Байналмилал» маҳалла фуқаролар йиғинида бир аёл тортиниб, уйи таъмирталаблигини билдирди. Икки фарзандли ёлғиз аёлга маҳалладан ҳомийлар топдик. Масала эътиборимизда турибди...

Олий Мажлис Қонунчилик палатаси депутатлари жорий йил январь-февраль ойларида вилоятимизнинг Пахтаобод, Қўрғонтепа, Олтинкўл туманлари ҳамда ­Хонобод шаҳрида уйма-уй юриб аҳволни ўрганди. Туманлар ва шаҳарда кенг кўламдаги ишлар авж олди. Муаммолар жойида ҳал этилиши таъминланмоқда. Депутатлар жойларда маҳаллий бошқарув идоралари билан мулоқот қиляпти.

Фаолиятимизни замонавий талаблар асосида такомиллаштирмасак, ютқазамиз. Партиямиз Сайлов­олди дастурида белгиланган вазифалар ҳамда бугунги кундаги долзарб масалалар ечими жойларда ишни қандай ташкил этишимизга боғлиқ.

Ҳақиқат аччиқ. Тан олишимиз керак, барчамиз қўйилган вазифалар моҳиятини тўлиқ англаб, фаолият олиб борганимизда, салмоқли натижалар намоён бўларди. Энди хонада ўтириб эмас, ҳудудларга бориб, одамлар билан яқиндан гаплашсакгина ишимиз юришади. Жўяли таклифлар чиқади.

Ҳамма партия кенгашлари, бошланғич ташкилотлари аравани бирдек фаол тортаётгани йўқ. Ҳаракатларимиз натижаси ўзимизгагина эмас, партия ташкилоти, кенгашига баҳо бўлади.

Янгича тарзда ишлаш қатъий талаб. Бундан буён ҳудудий кенгашлар пленумларида халқ депутатлари туман ва шаҳар Кенгашларидаги партия гуруҳларининг чора-тадбирлар дастурининг ижроси бўйича ҳисоботларини эшитиш тизимли жорий қилинади. Ҳар бир депутатнинг фаолияти танқидий кўриб чиқилади.

Пленумда ушбу масалалар атрофлича кўриб чиқилди ва муҳим қарорлар қабул қилинди.

 

Аҳмадилло СОЛИЕВ,

«Ўзбекистон овози» мухбири.



DB query error.
Please try later.