Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
22.02.2018

«КЎНГИЛЛИ ЁШЛАР» ГУРУҲИГА МАРҲАМАТ!

Ўзбекистон ХДП Тошкент шаҳар ва Сергели туман кенгашлари бир қатор ташкилотлар билан ҳамкорликда касб-ҳунарга ўқитиш марказида семинар-тренинг ўтказди.

— Уюшмаган ёшлар жамиятнинг фаол аъзосига айланиши — долзарб масала, — дейди ЎзХДП Тошкент шаҳар кенгаши бўлим бошлиғи Азима Раҳмонова. — «Жиноятсиз — келажак сари» лойиҳасини шу мақсадда ишлаб чиқдик. Лойиҳани «Ёшлар иттифоқи» шаҳар ташкилоти, имом-хатиблар, психологлар билан ҳамкорликда амалга ошириш режалаштирилган.

— Анча вақтдан буён туман партия кенгаши қошида «Кўнгилли ёшлар» гуруҳи ташкил этишни ният қилган эдик, — дейди ЎзХДП Сергели туман кенгаши раиси, туман Кенгаши депутати Мирзоҳид Хидиров. — Бу масалани ёшлар иштирокида муҳокама қилдик. Депутатлар ва партия ходимлари билан биргаликда ижтимоий кўмакка муҳтож кишилар ҳолидан хабар олиш, жамоатчилик ишларида фаол иштирок этиш гуруҳнинг асосий вазифаларидан бири сифатида белгилаб олинди.

Тадбирнинг иккинчи қисмида устоз-олимлар ҳамда ёшлар ўртасида суҳбат бўлиб ўтди.

— Семинар фикр-мулоҳазаларга бой бўлди, — дейди халқ депутатлари Сергели туман Кенгаши депутати Абдужамил Содиқов. — Айниқса, Дилафрўз Исомиддинованинг «Кўнгилли ёшлар» гуруҳи фаолияти юзасидан билдирган таклифи барчага маъқул келди. У ногиронлиги бўлган болаларни қўллаб-қувватлаш кераклигини алоҳида таъкидлади. ­Дилафрўз маҳалласидаги икки нафар ногиронлиги бор болага инглиз тилидан бошланғич сабоқларни беришни бошлаганини айтди. Тенгдошлари ҳам унга эргашиш истагини билдиришди. Партиямиз сафида шундай ёшлар сони ортаётганидан жуда мамнун бўлдим.

Шунингдек, Ҳусан Нурмаматов эҳтиёжманд оила вакилларига моддий ёрдам кўрсатиш, ушбу гуруҳ иштирокида ҳомийлар топиш мумкинлиги ҳақида тўхталди. Фахриёр Абдусаломов уюшмаган ёшлар билан учрашувлар ташкил қилишнинг аҳамияти ҳақида сўз юритди.

— Ғамхўрлик қилишни истовчи ёшлар кўпаяётганидан жуда хурсандман, — дейди Тошкент шаҳар имконияти чекланган шахслар учун ихтисослаштирилган республика касб-ҳунар коллежи ўқувчиси Рома Китаев. — Тадбир давомида тенгдошларим билан мақсадларимиз ҳақида суҳбатлашдик. «Кўнгилли ёшлар» гуруҳига аъзо бўлдик. Бир-биримизга, атрофдаги инсонларга яқиндан кўмаклашишга доимо тайёрмиз.

— Очиғи, семинарда эксперт сифатида қатнашишни таклиф этишганида одатий тадбирлардан бири бўлса керак, деб ўйлагандим, — дейди Республика ­Маънавият ва маърифат маркази етакчилар кенгаши раиси Шерзод Юсупов. — Аммо иштироким давомида фикрим ўзгарди. Ўзбекистон психологлар уюшмаси бўлим бошлиғи, психолог-акмиолог Миршароф Содиқов билан бўлган суҳбатдан сўнг йигит-қизларнинг ўзига бўлган ишончи янада ортганини кўрдим.

Семинар якунида қисқа метражли «Тинч­лик соҳили» видеофильми намо­йиш этилди.

Таклиф ва мулоҳазалари билан фаол қатнашган ёшларга театрга бепул чипта ва китоблар тақдим этилди.

 

Сирожиддин ШОНАЗАРОВ,

ЎзХДП Тошкент шаҳар кенгаши бўлим бошлиғи.



DB query error.
Please try later.