Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
22.02.2018

ЯНГИ ҚАДАМЛАР, ЯНГИ МАРРАЛАР

Робия КАЗИМОВА, ЎзХДП Бухоро вилоят кенгаши раиси вазифасини бажарувчи:

— Президентимизнинг 16-17 февраль кунлари вилоятимизга амалга оширган ташрифи барчага кўтаринки кайфият бағишлади, бухороликларни янги манзиллар сари янада руҳлантирди.

Айтиш керакки, вилоятимизда ҳар бир соҳада ўзгаришлар кўзга ташланяпти. Янги саноат корхоналари, тадбиркорлик субъектлари ташкил этиляпти. Маҳаллийлаштириш даражаси ва экспорт ҳажми ошяпти. Транспорт ва сервис инфратузилмаси ривожлантирилмоқда, сайёҳлар оқими кўпайгани сезилмоқда. Қишлоқ хўжалигида фойдаланилмаган имкониятлар ишга солинмоқда, янги уй-жойлар, ижтимоий объектлар қуриляпти.

Ғиждувон туманида тут баргидан чой тайёрлаш лойиҳаси кўпчиликда катта қизиқиш уйғотди. Мазкур чой таркибида кофеин ва танин моддаси йўқлиги аҳамиятли экани айтиляпти. Давлатимиз раҳбари бу энг самарали лойиҳалардан бири бўлишини, янги ишлаб чиқариладиган чойнинг ноёблиги ва инсон саломатлиги учун ғоят фойдали эканини таъкидлади.

Лойиҳа бўйича ишлар бошлаб юборилган. Маҳсулот 2019 йилдан экспорт­га чиқарилиши мўлжалланмоқда.

Цистанхе ва исириқ етиштирилиши вилоятимизда ўзига хос янгилик бўлди. Цистанхе ўсимлигининг илдизи доривор ҳисобланиб, хавфли ўсма касалликларининг олдини олади. Шамоллашни кеткизиш, иммунитетни ошириш хусусиятларига эга. Бу ўсимликдан тайёрланадиган тиббий ичимлик, айниқса, аёлларимизнинг соғ­лиғи учун фойдали экан. Япониялик олимларнинг таъкидлашича, у женьшендан беш баробар самарали ҳисобланади. Ҳозирги вақтда Қозоғистон Марказий Осиёда ушбу ўсимликни экс­порт қилувчи ягона давлат бўлиб, йилига хорижга 100-150 тоннагача маҳсулот сотади. Умуман, бу анча сердаромад иш. Янги лойиҳага кўра, ­3 минг гектар ерда шундай ўсимлик етиштириш ва қайта ишлашни йўлга қўйиш режалаштирилган. Натижада 400 кишининг бандлиги таъминланади.

Реал ҳаётга тўғри келадиган янги лойиҳалар амалга ошишига кўмаклашиш депутатлар, партиямиз фаолларига ҳам қатор вазифалар юклайди. «Ўзбекистон ХДПнинг энг фаол аёли», «Ёш сиёсатчи» кўрик-танловлари ор­қали хотин-қизлар ҳамда ёшларни янги лойиҳалар яратишга рағбатлантириш ишларини янада кучайтиришга алоҳида эътибор қаратамиз.

Масалан, бу йил «Ўзбекистон ХДПнинг энг фаол аёли» кўрик-танловининг вилоят босқичи ғолиби қоракўл қўйи жунини қайта ишлаш орқали пайпоқлар тайёрлаш лойиҳасини тақдим этди. Дунёда табиий маҳсулотларга талаб юқори. Демак, ишлаб чиқарилиши кўзда тутилган товар нафақат ички бозоримизда, балки хорижда ҳам ўз харидорларига эга бўлади.

«Ёш сиёсатчи — 2017» кўрик-танлови ғолибининг туризм соҳасини ривожлантиришга оид лойиҳаси ҳам ҳаётга татбиқ этилмоқда. Унга кўра, ёш меъморларни ўқитиш йўлга қўйилди. Уста меъморлар «устоз-шогирд» анъанаси асосида ёшларга ўз ҳунари сирларини ўргатишмоқда. Кошинсозлик, ганж ва ёғоч ўймакорлиги, умуман, 10 йўналишда уста-меъморлар тайёрланади. Натижада Бухородаги қадимий иморатларни ўзимизнинг ёш усталар таъмирлаши билан боғлиқ имкониятлар оширилади.

Вилоятда туризмни ривожлантириш, янги инновацион лойиҳаларни амалиётга жорий этиш, аҳоли турмуш фаровонлигини янада яхшилаш бўйича ўзимизнинг дастуримизни белгилаб олиб, уни амалга оширишга киришдик.

Шу ўринда биз бухороликларни, жуда севинтираётган режа ҳақида алоҳида айтмасам, бўлмайди. Бу — Бухоро вилоятида ичимлик суви таъминоти тизимини ривожлантириш режаси. Насиб қилса, 2019 йилдан вилоятимизнинг асосий қисми ичимлик суви билан таъминланади. Ҳозирги кўрсаткич 51 фоиз, холос. Давлатимиз раҳбари сув масаласи билан боғлиқ лойиҳаларни имкон қадар қисқа муддатларда, лекин сифатли бажариш кераклигини уқтирди.

Бугун вилоятимизда амалга оширилаётган бу ислоҳотлар одамларни ниҳоятда мамнун этмоқда.

 

Зилола УБАЙДУЛЛАЕВА

ёзиб олди.



DB query error.
Please try later.