23.01.2018

«ТОШРАБОД ТЕКСТИЛЬ»ДА 1000 НАФАРДАН ОРТИҚ ХОТИН-ҚИЗ ИШ БИЛАН ТАЪМИНЛАНДИ

Қизилтепа туманининг аҳоли тиғиз яшайдиган Тошрабод қишлоғида саккиз ой ичида «Тошрабод текстиль» корхонаси қуриб ишга туширилди. 1,5 гектар майдонни эгаллаган, лойиҳа қиймати 14 миллиард сўмни ташкил қиладиган корхонада 1000 дан зиёд иш ўрни яратилди. Маҳаллий хом­ашё асосида ишлаб чиқариладиган трикотаж маҳсулотларининг 85-90 фоизи экспортга йўналтирилади.

Энг муҳими, мазкур МЧЖ кластер усулида пахтани етиштиришдан тайёр маҳсулот ишлаб чиқаришгача бўлган жараённи қамраб олади.

— Мазкур корхонада ишлаётганларнинг асосий қисмини хотин-қизлар ташкил қилади, — дейди Қизилтепа туманидаги ­«Валиобод» фермер хўжалиги раҳбари, халқ депутатлари туман кенгашидаги ЎзХДП гуруҳи аъзоси Раъно Валиева. — Бу мамлакатимизда аёллар бандлигини таъминлаш йўлида ташланган муҳим қадамдир. Шу пайт­гача не-не машаққат билан етиштирган пахтамизни арзимаган пулга сотардик. Жорий йилдан бошлаб синов тариқасида кластер усулига ўтилгани фермерларнинг ҳам даромадини оширади.

 

Илҳом САТТОРОВ,

 «Ўзбекистон овози» мухбири. 


Фикр ва мулохазалар

Защита от автоматических сообщений

Сўнгги янгиликлар: