Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
09.01.2018

ЯНГИ ЙИЛДА ЯНГИ ИШ ЎРИНЛАРИ

Сариосиё туманида 200 минг нафардан ортиқ киши истиқомат қилади. Янги йил байрами арафасида туманда «Сурхонтекстиль кийимлари» масъулияти чекланган жамияти иш бошлагани қувончли воқеа бўлди.

— Корхонанинг иш бошлаши биз учун айни муддао бўлди, — дейди коллеж битирувчиси Зебо Хидирова. — Қисқа даврда тикиш-бичишни мукаммал ўргандик. Ҳозир Япония ва Германиядан келтирилган 300 дан ортиқ тикув машиналарида трикотаж маҳсулотлари тайёрланаяпти. Сифатли, рақобатбардош ва бежирим кийимларни келгусида хорижга экспорт қилиш ниятимиз бор.

Яқин келажакда корхона қошида «Сурхон сифат текстиль» масъулияти чекланган жамиятини ташкил қилиш ҳам кўзда тутилган. Ип-калава йигириш йўлга қўйилиши билан яна 50 янги иш ўрни яратилади.

* * *

Жорий йилда Шўрчи туманида 3,5 мингдан ортиқ янги иш ўрни яратиш кўзда тутилган. Меҳнат ярмаркалари эса иш топишда қийналаётган юртдошларимизнинг оғирини енгиллатишга хизмат қилмоқда. Яқинда туман ҳокимлиги, прокуратура, ИИБ, ЎзХДП туман кенгаши ва бошқа ташкилотлар ҳамкорликда ташкил қилган ярмаркада 160 га яқин корхона ва ташкилот мингдан ортиқ бўш иш ўрни билан иштирок этди. Касб-ҳунар коллежлари битирувчилари, хотин-қизлар, Қуролли кучлар сафларидан захирага бўшатилганлар ҳамда жазони ижро этиш муассасаларидан озод қилинганларни иш билан таъминлашга алоҳида эътибор қаратилди.

— Электорат вакилларини ижтимоий ҳимоя қилиш долзарб масала, — дейди ЎзХДП Шўрчи туман партия кенгаши раиси Ботир Ражабов. — Жорий йилда туманимиздаги 9 касб-ҳунар коллежини 3700 дан ортиқ йигит-қиз битирган бўлиб, уларнинг аксарияти доимий иш жойига эга. Бандлиги таъминланмаган ёшлар билан амалий ишлар олиб борилмоқда.

 

Абдумалик ҲАЙДАРОВ,

«Ўзбекистон овози» мухбири.



DB query error.
Please try later.