01.01.2018

«АДОЛАТ — ҚОНУН УСТУВОРЛИГИДА»

Анъанага кўра, Янги йил арафасида Ўзбекистон Республикаси Олий суди томонидан ўтказиб келинаётган «Адолат — қонун устуворлигида» танловининг ғолиб ва совриндорлари аниқланди.

Мамлакатимизда суд-ҳуқуқ соҳасида амалга оширилаётган ислоҳотларни матбуот ва оммавий ахборот воситаларида фаол ёритилишини таъминлашга қаратилган ушбу танловнинг нуфузи йил сайин ошиб бормоқда. 2017 йилда танловга республика матбуотида эълон қилинган, телерадио орқали эфирга узатилган 500 дан ортиқ материал тақдим этилди.

Ўзбекистонда хизмат кўрсатган журналист Муаттар Асқарова Ўзбекистон миллий телерадиокомпанияси «Ўзбекистон 24» телерадиоканалида намойиш этилган кўрсатувлари учун танлов ғолиби, деб эътироф этилди.

Ўзбекистон Республикаси Олий суди судьяси Мўмин ­Астанов, юридик фанлари доктори Музаффар Мамасиддиқов республика матбуотида эълон қилинган мақолалари учун иккинчи ўринга муносиб кўрилди.

Учинчи мукофот «Народное слово» газетаси мухбири ­Ферюза Кубарева, ҳуқуқшунос Елена Ермохина, журналист Умид Ёқубовга насиб этди.

Ўзбекистон Республикаси Олий судининг раиси Козимжон Комилов ғолиб ва совриндорларни табриклаб, мамлакатимиз Президенти раҳбарлигида инсон ҳуқуқ ва манфаатларини таъминлаш борасида амалга оширилаётган ислоҳотларни янада кенг ёритиш хусусида ўз фикрларини билдирди, янги йилда танлов номинацияларини янада кўпайтириш зарурлигини таъкидлади.

 

Ўз мухбиримиз.



DB query error.
Please try later.