Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
01.01.2018

ФАОЛИЯТ АНИҚ ИШ НАТИЖАЛАРИ БЎЙИЧА БАҲОЛАНАДИ

Ўзбекистон Халқ демократик партияси Жиззах шаҳар кенгаши томонидан «Муаммоларни ҳал этишда менинг иштироким» мавзусида давра суҳбати ўтказилди.

Жиззах транспорт ва алоқа касб-ҳунар коллежида партия бошланғич ташкилотлари етакчилари, депутатлар, Ёшлар иттифоқи фаоллари иштирок этган тадбирда Президентимизнинг Олий Мажлисга Мурожаатномасида белгилаб берилган вазифалар ижросини таъминлашда партия аъзолари ва депутатлар фаоллигини ошириш масалалари муҳокама қилинди. Мурожаат­номада ёш авлодни ҳар ­томонлама соғлом ва баркамол этиб тарбиялаш борасида янгича ёндашувларни ҳаётга фаол жорий этиш бўйича белгиланган вазифалар ижросида партия фаоллари иштирокини ошириш масаласига эътибор қаратилди.

Тадбирда ёшларнинг қизиқиши, муаммоларини ўрганиш, таклиф ва ташаббусларини қўллаб-қувватлашда партия фаолиятининг сустлиги сабаблари таҳлил этилди. Аксарият ҳолларда ёшлар ­билан учрашув ва йиғилишларда кўтарилган кўплаб долзарб масалалар қоғозда қолиб кетаётгани танқид қилинди.

— Фаолиятимиз самарасини Президентимиз Мурожаатномасида белгилаб берилган вазифалар талабидан келиб чиқиб баҳолайдиган бўлсак, ўтказилган тадбирларнинг кўпи, аслида, ўтказмаса ҳам бўладиган йиғинлардан иборат экани кўриниб турибди, — дейди партия Жиззах шаҳар кенгаши раиси Н.Сиддиқов. — Ҳали партия ташкилоти ходими ёки ҳудуддан сайланган депутат бирор марта учрашмаган қанча ишсиз ёшлар бор. Уларнинг маънавиятини юксалтириш, муаммоларини ҳал қилиш, мамлакатимиздаги ўзгаришлар жараёнига фаол жалб этиш бўйича таъсиримиз сезилгани йўқ. Шунинг учун бугунги давра суҳбатида айни шу масалаларга эътибор қаратиб, ёшлар билан ишлаш бўйича аниқ йўналишлар белгилаб олдик. Бу соҳада ҳар бир партия фаоли, депутатнинг фаолиятини бажарган ишининг аниқ натижасига кўра баҳолаш бўйича тавсиялар ишлаб чиқилди.

Тадбир давомида ёшлар томонидан билдирилган ­муаммоли масалалар шу ернинг ўзида ҳал этилди. Иккита масала бўйича партия шаҳар кенгаши депутатлари тегишли идора ва ташкилотларга депутатлик сўрови юборадиган бўлди.

 

Т.БЕКНАЗАРОВ,

ЎзА мухбири.



DB query error.
Please try later.