Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
28.12.2017

ИНСОН ҲАҚ-ҲУҚУҚЛАРИ ҲИМОЯ ҚИЛИНАДИ

Акрам АКБАРОВ, халқ депутатлари Қашқадарё вилоят Кенгашидаги ЎзХДП гуруҳи аъзоси:

— Президентимиз Шавкат Мирзиёевнинг Олий Мажлисга Мурожаатномасини эшитиб, қалбим ларзага келди. Ёшим саксондан ошган. Ярим асрдан кўпроқ вақт турли лавозимларда ишладим. Ҳаётим давомида давлат раҳбарларининг маърузаларини тинглаганман. Лекин, умримда биринчи бор Президент Мурожаатномасини эшитдим. Тўғриси, бундай ошкора, дадил, асосли фикрлардан сўнг шу кунгача одамларни қийнаб келаётган муаммолар тумандай тарқаб кетишига ишонаман.

Яшириб нима қилдик, йиллар давомида инсон ҳақ-ҳуқуқларини поймол қилиш ҳолатларига дуч келиб турардик. Лекин ҳаммамиз жим ва лоқайд эдик. Чунки ҳақсизликка қарши норозилик билдирганлар ҳам жазоланганига гувоҳ бўлганмиз. Бу адолатсизликларга ­Президент даражасида чек қўйилмаса, бош­қа ҳеч ким жазм қилолмас эди. Минг афсуски, мамлакатимиз мустақиллигига, барқарорлигига раҳна солаётган бундай иллатлар тобора томир отиб кетаётган эди. Президентимиз инсон ҳақ-ҳуқуқини чеклашга, таъқиб қилишга, топташга қаратилган ҳар қандай уринишларга барҳам берилишини алоҳида таъкидлади.

Бундан буён Ўзбекистонда ҳибсга олинган ва жиноий жавобгарликка тортилган шахсларга нисбатан қийноққа солиш, руҳий ҳамда жисмоний босим ўтказиш, бошқа ғайриинсоний зўравонликка мутлақо йўл қўйилмайди... Бу сўзларни эшитиш қанчалар яхши. Демак, ноҳақликка қарши курашда ҳеч қайсимиз ­томошабин бўлиб турмаслигимиз керак. Бу ўринда барча даражадаги депутатлар фаоллиги алоҳида ўрин тутади.

Президентимиз маҳаллий Кенгашлар депутатлари зиммасига ҳам бир қатор вазифалар юклади. Шунингдек, бизнинг фаолиятимиздан қониқиш ҳосил қилинмаётгани ҳам очиқ айтилди.

Одамлар ҳуқуқ-тартибот идораларининг мутлақо эскирган иш услубларидан, фуқароларга бўлган ёмон муносабатидан норизо эканликларини барчамиз биламиз. Лекин амалда уларнинг ишига аралашиш гуёки мумкин эмас эди.

Бугун Президентнинг ўзи ҳар бир соҳада, ҳар бир фуқаро тақдирида адолат ўрнатишни талаб қилмоқда.

Мурожаатномани тинглаган одамларнинг кўзида бир учқун пайдо бўлди. Қалбида умид уйғонди. Инсон ҳақ-ҳуқуқлари ҳимоя қилинган, қадрланган мамлакат янада юксалади, ривожланади.



DB query error.
Please try later.