Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
14.12.2017

200 ДАН ОРТИҚ ШАХС ОИЛАСИ БАҒРИГА ҚАЙТАДИ

Президентимиз Шавкат Мирзиёевнинг «Ўзбекистон Республикаси Конституцияси қабул қилинганлигининг йигирма беш йиллиги муносабати билан афв этиш тўғрисида»ги фармони халқимизга хос инсонпарварлик, кечиримлилик ва бағрикенглик каби юксак фазилатларнинг амалдаги ифодаси бўлди.

Давлатимиз раҳбари томо­ни­дан 2017 йил 29 сентябр­да «Ўзбекистон Республикаси Конституцияси қабул қилинган­лигининг йигирма беш йиллиги муносабати билан жазони ижро этиш муассасаларида жазо ўтаётган маҳкумларни афв этиш ҳақидаги материалларни тайёр­лаш чора-тадбирлари тўғриси­да»ги фармойиш қабул қилинган эди. Фармойишга мувофиқ, жойларда ҳуқуқ-тартибот идо­ра­лари ва жамоат ташки­лотлари вакилларидан иборат ишчи гуруҳлар Ўзбекистон Республикаси Президенти ҳузуридаги Афв этиш масала­лари бўйича комиссия билан ҳамкорликда маҳкумлар билан якка тартибда суҳбат ўтказди. Бу жараёнда маҳкум содир этган жиноятнинг ижтимоий хавфлилик даражасига, жиноят туфайли етказилган зарар қопланганига алоҳида аҳамият берилди. Ўз қилмишидан чин кўнгилдан пушаймонлиги, ёши, соғлиғи, оилавий аҳволи ҳамда енгиллаштирувчи бошқа омил­ларга эътибор қаратилди. Жабрланганлар ва жамоатчи­лик­нинг, маҳкум яшаган маҳал­ла вакилларининг фикрлари ўрганилди.

Сурхондарё вилоятида ҳам шу асосда яшаш жойи ва жазони ижро этиш муассасасидан ижобий тавсиф берил­ган, қилмишидан чин дилдан пушаймон бўлиб, тўғри йўлга қайтган 200 дан ортиқ шахснинг оиласи бағрига қайтиши учун қулай имконият берилди. Жамиятимизда юз бераётган ўзгариш ва янгиланишларнинг фаол иштирокчиси бўлиши учун кенг шароит яратилди.

Ушбу ҳужжат билан мамла­ка­тимиз тарихида илк марта афв этилаётган маҳкумларнинг жамиятда ўз ўрнини қайта топиши учун ҳар томонлама кўмаклашишга алоҳида ҳозир­лик кўрилди.

— Жазони ижро этиш муас­са­саларида тузалиш йўлига ўтиб, қилмишининг қонунлари­мизга номувофиқлигини чуқур англаб етган шахсларни кечи­риш, уларга жамиятнинг фаол аъзосига айланишга кўмакла­шиш юксак фазилатга айлан­ган, — дейди Сурхондарё вилояти ИИБ ҳуқуқбузарликлар профилактикаси бошқармаси бошлиғи, подполковник И.Халилов. — Вилоятда жазони ижро этиш муассасаларидан афв этилаётган шахсларни профилактик ҳисобга қўйиш, кўникма маркази томонидан моддий ёрдам кўрсатиш, улар­ни тиббий кўрикдан ўтказиш, бандлигини таъминлаш ва бошқа масалалар бўйича зарур вазифалар белгилаб олинган. Саломатлигидан шикоят қилган ёки бирон касаллик аниқланган шахсларнинг даволанишига, фуқаролик паспортини йўқотган бўлса, уни қайта олишига, шу каби бошқа ҳаётий масала­ларда муаммога дуч келган­ларга яқиндан кўмаклашилади. Лўнда қилиб айтганда, уларнинг барчаси ҳуқуқий, иқтисодий, ижтимоий-маънавий қўллаб-қувватланиб, жамиятда ўз ўрнини топишига ёрдам бери­лади. Бу юртимизда инсон ҳаёти, қадр-қиммати, шаъни, эркинлиги ва бошқа ҳуқуқлари олий қадрият эканининг яққол тасдиғидир.

 

Х.МАМАТРАЙИМОВ,

ЎзА мухбири.



DB query error.
Please try later.