08.07.2017

СОҒЛОМ ЖАМИЯТ АСОСИ

Беруний туман кенгаши томонидан ташкил этилган шу номли акция доирасида ­«Бунёдкор» маҳалласида бадиий гимнастика бўйича мусобақа ўтказилди.

Ҳакамлар ҳайъати гимнастикачи қизларнинг чиқишларини баҳолаб боришди. Қизиқарли кечган мусобақа якунида биринчи ўринни Мадина Зарипова, иккинчи ўринни ­Шахина Ибрагимова ва учинчи ўринни ­Шаҳзода Гаппарова эгаллади. Ғолиблар туман партия кенгашининг дипломи эсдалик совғалари билан тақдирланди.

— Болалар ўртасида футбол бўйича мусобақалар ташкил қиляпмиз, — дейди халқ депутати Беруний туман Кенгашидаги ЎзХДП гуруҳи аъзоси Кенжабек Атажанов. — Мақсадимиз соғлом турмуш тарзини шакллантириш, ёшларнинг бўш вақтини мазмунли ташкил этиш, спортни оммавийлаштиришдан иборат.

Акция доирасидаги мусобақалар Қўнғирот туманидаги касб-ҳунар коллежи ўқувчилари орасида ҳам ташкил этилди. Стол тенниси, шоҳмот-шашка, футбол, волейбол, баскетбол, енгил атлетика спорт турлари бўйича баҳслар қизиқарли курашлар остида ўтди. Қўнғирот нефть ва газ саноати коллежи жамоаси биринчи ўринга эга бўлди. Ғолибларга ташкилотчилар томонидан диплом ва совғалар топширилди.

Мазкур акция доирасидаги тарғибот ишлари барча туман ва шаҳар кенгашларида давом этмоқда.

 

Мнажатдин ҚУТЛИМУРАТОВ,

«Ўзбекистон овози» мухбири.



DB query error.
Please try later.