01.07.2017

«МЕН ҲАМ ШУ ТАНЛОВДА ҚАТНАШМОҚЧИМАН»

«Ёш сиёсатчи — 2017» танловининг Жиззах вилоят босқичида ёшлар томонидан тақдим этилган лойиҳалар ҳаётийлиги билан ажралиб турди.

— Танловга тайёргарлик кўриш, унда иштирок этиш орқали сиёсий билимим мустаҳкамланди, — дейди Ғаллаорол тиббиёт коллежи ўқувчиси Чарос Анварбекова. — Янги дўстлар орттирдим, саҳна ва нутқ маданияти бўйича керакли тавсияларга эга бўлдим. Ҳудудимиздаги аҳволни ўрганган ҳолда ўз лойиҳамни ишлаб чиқдим. Унда хотин-қизлар ва ёшлар бандлигини таъминлаш масаласи илгари сурилган. Агар лойиҳа амалга ошса, коллеж ўқувчилари сифатли маҳаллий хомашёдан тайёрланган ўқув формаси билан таъминланади. Ишга лаёқатли ногирон аёлларнинг 5 нафари ишли бўлади.

— Ёшлар учун ўтказиладиган турли тадбирларга қатнашиб тураман. Бугун ҳам томошабин сифатида бу ерга келдим, — дейди Мадина ­Раҳмонова. — Иштирокчиларнинг ўзини тутиши, ҳозиржавоблиги ва тайёргарлигини кўриб, ҳавасим келди. Келажакда мен ҳам шу танловда иштирок этмоқчиман.

Танлов якунига кўра, 3-ўрин ­Зарбдор хизмат кўрсатиш касб-ҳунар коллежи ўқувчиси Шерали Бўрибоевга, 2-ўрин Ғаллаорол тиббиёт коллежи ўқувчиси Чарос Анварбековага насиб этди. Жиззах саноат ва сервис касб-ҳунар коллежи ўқувчиси ­Мурод Алиев биринчи ўринни қўлга киритиб, республика босқичига йўлланма олди.

 

Шаҳноза БЕКМУРОДОВА,

ЎзХДП Жиззах вилоят кенгаши сектор мудири.



DB query error.
Please try later.