Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
10.06.2017

ГАЗ ТАЪМИНОТИ ТИЗИМИГА БОЗОР МЕХАНИЗМЛАРИ ЖОРИЙ ЭТИЛМОҚДА

Президентимизнинг «Газ таъминоти тизимида бозор механизмларини кенг жорий этиш чора-тадбирлари тўғрисида»ги қарорида соҳани ривожлантиришнинг муҳим йўналишлари белгилаб берилди.

«Ўзтрансгаз» акциядорлик компанияси бошқа­руви раиси ўринбосари Улуғбек Ашуров ушбу қарорнинг моҳияти ва аҳамияти ҳақида қу­йидагиларни гапириб берди:

— Мазкур қарорда газ таъминоти соҳасида бошқарувнинг самарали тизимини шакл­лантириш ҳамда бозор иқтисодиёти механизмларини янада кенгроқ жорий этиш, тармоқни модернизация қи­лиш учун инвестицияларни кенг кўламда жалб қилиш, шулар ҳисобидан техник ва технологик янгиланишларни амалга ошириш, хизмат кўр­сатиш сифатини ошириш, табиий газ ҳақининг ўз вақтида тўланишини таъминлаш назарда тутилган.

Бундан кейин газ тақсимлаш тармоқларидан фойдаланиш ва табиий газни сотиш вазифаси туман (шаҳар) филиаллари ҳамда уларнинг участ­каларига ўтказилган танловларда ғолиб чиққан хусусий операторларга ишончли бош­қарув шартномаси асосида берилади.

Қарорда газ таъминоти объектлари бириктириладиган туман (шаҳар) филиаллари ҳамда уларнинг участкалари рўйхати ҳам белгиланган. Қорақалпоғистонда «Кегейлитумангаз», Андижон вилоятида «Шаҳрихонтумангаз», Бухорода «Когонтумангаз», Жиззахда «Зоминтумангаз», Қашқадарёда «Қаршитумангаз», Навоийда «Қизилтепатумангаз», Наманганда «Намангантумангаз», Самарқандда «Нарпайтумангаз», Сурхондарёда «Жарқўрғонтумангаз», Сирдарё­да «Янгиершаҳаргаз», Тошкент вилоятида «Янгийўл­тумангаз», Фарғонада «Олтиариқтумангаз» ҳамда Хоразм вилоятида «Янгиариқтумангаз» филиали объектлари хусусий операторлар ваколатли бошқарувига ўтказилади. Тошкент шаҳрида бу вазифа билан Бектемир туманининг «Бектемиртумангаз» ташкилоти шуғулланади.

Хусусий операторлар табиий газ сотишни ишончли бош­қарув шартномасига асосан, табиий газ сотиш фаолиятини амалга ошириш ҳуқуқини берувчи лицензия олмасдан, лицензия талаблари ва шартларини бажарган ҳолда амалга оширади.

Янгича ёндашувнинг ўзига хос томони шундаки, хусусий операторларга сотилган газ таннархининг 21 фоизигача бўлган миқдорда мукофот пули берилади.

Бундан ташқари, хусусий операторлар ишчилар сонидан қатъи назар, ягона солиқ тўловини тўлайди.

Уларнинг табиий ва сиқилган газни сотишдан туширган маблағлари бевосита «Ўз­транс­газ» акциядорлик компанияси ҳисобига ўтказилади.

Шунингдек, истеъмолчилар билан муносабатда ҳам янгича тартиблар белгиланди.

Бундан буён етказиб берилган табиий газ учун қарздорлиги сабабли газ тармоғидан узилган истеъмолчилардан газ тармоғига қайта уланиш учун энг кам иш ҳақининг икки баробари миқдорида тўлов ундирилади.

Бундан ташқари, 2017 йил 1 октябрдан бошлаб газ ҳисоблагичи бўлмаган хонадонлар ҳозиргидан кўра, икки баробар миқдорида кўпроқ ҳақ тўлаши белгилаб қўйилди.

Истеъмолчиларга замонавий элек­трон табиий газ ҳисоблагичларини сотиб олиш ва ўрнатиш «Ўзтрансгаз» компанияси ҳисобидан амалга оширилади ва уларнинг қиймати кейинчалик истеъмолчилар томонидан бир йил давомида ундирилади.

 

«Ўзбекистон овози» мухбири

Тоштемир ХУДОЙҚУЛОВ

ёзиб олди.



DB query error.
Please try later.