06.06.2017

ИЖТИМОИЙ ҲИМОЯ – ДОЛЗАРБ МАСАЛА

Сурхондарё вилоят кенгаши хотин-қизларнинг ижтимоий сиёсий фаоллигини ошириш сектори «Ҳар бир инсонга меҳр-мурувват кўрсатиш — бурчимиз!» лойиҳаси доирасида бир қатор тадбирлар ўтказмоқда.

Яқинда Ангор туманидаги «Наврўз», «Ўзбекистон», «Нав­баҳор» маҳаллаларида хотин-қизлар билан учрашиб, уларни ўйлантираётган масалаларни яқиндан ўргандик. Ангор туман партия кенгаши раиси Боймурод Мамадаминов, туман Кенгаши депутатлари Анорхол Эсонниёзова, Шавкат Ҳайитов, Мусо Чоршанбиев, Обид Жўраев, Дилбар Ҳамраева мурожаатларни ҳал этишга кўмаклашишди.

Туманда ногирон аёллар 464 нафарни ташкил этади. Шулардан 58 нафари биринчи гуруҳ ногирони, 340 нафари иккинчи гуруҳ ногирони, 66 нафари учинчи гуруҳ ногиронларидир. Уларнинг ижтимоий ҳимоясини таъминлаш партия ташкилотлари ва депутатлар зиммасига катта масъулият юклайди.

Яқинда туман Кенгаши депутати Обид Жўраевнинг тегишли ташкилотларга юборган депутатлик сўрови асосида «Навбаҳор» маҳалласида истиқомат қилаётган Норгул Мирзаевага ногиронлик аравачаси олиб берилди.

Партиямиз фаоллари, депутатлари фаолиятидан бундай мисолларни яна кўплаб келтириши мумкин.

 

Нилуфар ШАЙМАНОВА,

ЎзХДП Сурхондарё вилоят кенгаши сектор мудири.



DB query error.
Please try later.