06.06.2017

САМАРҚАНД САЁҲАТИ ВА ЗИЁРАТИ

таассуротларга бой бўлди

Ўзбекистон Миллий университети Таълим, фан ва маданият ходимлари касаба уюшмаси Республика кенгаши билан ҳамкорликда университетнинг профессор-ўқитувчилари, ходимлари ва бир гуруҳ иқти­дорли талабалари учун Самарқанд шаҳрига саёҳат уюштирилди.

Ўқитувчи-ходимларнинг меҳнати, иқтидорли талаба-ёшларнинг интилишларини рағбатлантириш мақсадида ташкил этилган ушбу саёҳатнинг кун тартибидан Самарқанд шаҳридаги муборак қадамжолар, шу жумладан, Биринчи Президентимиз Ислом Каримовнинг қабрини зиёрат қилиш ўрин олган эди.

— Тошкентдан Самарқандга «Афросиёб» тезюрар поездида жўнадик, — дейди ЎзМУ талабаси Беҳрўзабону Абдуназарова. — Самарқандда дастлаб Имом Бухорий ёдгорлик мажмуини, Мирзо Улуғбек расадхонасини, Амир Темур мақбарасини,
Регистонни ва бошқа муқаддас жойларни зиёрат қилдик. Саёҳатимиз давомида мустақил давлатимизнинг асосчиси, биз, ёшларга доимо ғамхўрлик қилган Биринчи Президентимиз Ислом Каримов мангу қўним топган Ҳазрати Хизр мажмуасида ҳам бўлдик. Устозларимиз билан бирга буюкларимизнинг ҳаққига Қуръон тиловат қилдик. Кечки салқинда «Афросиёб»да Тошкентга қайтдик. Тўғрисини айтганда, таассуротларни сўз билан ифода этишга ожизман.

— Ушбу саёҳат нафақат профессор-ўқитувчиларимиз балки талабаларимиз учун ҳам фойдали бўлди, — дейди ЎзМУ журналистика факультети декани ўринбосари, доцент Рамзиддин Абдусатторов. — Зиёрат тадбирлари ёшларимизни ватанга муҳаббат руҳида тарбиялашга, қандай буюк аждодларнинг авлодлари эканини теран ҳис қилишга ва албатта, уларга муносиб авлод бўлиш масъулиятини чуқур англашга хизмат қилади.

 

Барчиной ҲАМИДУЛЛАЕВА,

Мирзо Улуғбек номидаги ЎзМУ журналистика факультети II курс талабаси. 



DB query error.
Please try later.