Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
27.05.2017

ҲАРАКАТЛАР СТРАТЕГИЯСИ – ХАЛҚАРО НАШРЛАРДА

Корея Республикасининг «The Korea Post» нашрида Ўзбекистон Республикаси Президенти Шавкат Мирзиёев ташаббуси билан қабул қилинган 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига бағишланган мақола чоп этилди.

Мақолада Ўзбекистон Республикасини ривожлантиришнинг бешта устувор йўналиши бўйича батафсил маълумот берилган. Мазкур стратегияни нафақат Ўзбекистон халқи, балки халқаро ҳамжамият ҳам катта қизиқиш билан қабул қилгани қайд этилган. Ҳаракатлар стратегиясини «Халқ билан мулоқот ва инсон манфаатлари йили»да амалга оширишга оид Давлат дастурини қабул қилишда махсус медиа майдонлар ташкил этилгани, бу борада фуқаролар, аҳолининг турли қатламлари ва жамоатчилик фаоллари ўртасида қизғин баҳс ва мунозаралар олиб борилгани, мамлакатимизда фаолият юритаётган чет эллик инвесторлар фикр ва таклифлари инобатга олингани алоҳида таъкидланган.

Ҳаракатлар стратегияси лойиҳаси муҳокамасига бағишланган кўплаб халқаро анжуманлар ўтказилгани тилга олинган. Хусусан, Тошкент шаҳрида жорий йилнинг январь ойида ўтказилган халқаро давра суҳбатида мазкур лойиҳа чуқур муҳокама этилиб, таклиф ва тавсиялар билдирилгани қайд этилган. Ушбу анжуман иштирокчилари амалга оширилаётган изчил ислоҳотлар самарасида Ўзбекистон иқтисодиёти жадал ривожланаётганини, барча соҳада йўлга қўйилган халқаро ҳамкорлик, ҳаётга татбиқ этилаётган қўшма лойиҳалар ўзининг юксак самараларини бераётганини алоҳида таъкидлаган.

«Тараққиёт стратегияси» маркази аъзолари Корея Республикасида бўлиб, мамлакатимизнинг Ҳаракатлар стратегиясига бағишланган қатор учрашув ва тадбирлар ўтказган. Ҳаракатлар стратегиясининг кўлами ва моҳияти «The Korea Post» нашрида қизиқиш уйғотган.

Маълумот ўрнида айтиш жоизки, йирик он-лайн порталига эга мазкур нашр халқаро сиёсат, иқтисодиёт, саноат, маданият ва туризм каби мавзуларни ёритувчи нуфузли ОАВ ҳисобланади. «The Korea Post» Ўзбекистон Республикаси ва Корея Республикаси ўртасида дўстлик ва ҳамкорлик муносабатларини ривожлантириш ҳамда мустаҳкамлашга, шу­нингдек, ўзбек халқининг бой маданий, маънавий ва тарихий меросини, Ўзбекистонда сиёсий ва ижтимоий-иқтисодий соҳаларда амалга оширилаётган изчил ислоҳотларни кенг халқаро жамоатчилик орасида фаол тарғиб қилишга улкан ҳисса қўшиб келмоқда.

 

ЎзА



DB query error.
Please try later.