27.04.2017

ТАШАББУСКОР ДЕПУТАТ, ПАРТИЯ ФАОЛИ

кўпроқ амалий натижаларга эришади

Ўзбекистон Халқ демократик партияси Қашқадарё ви­лоят кенгашининг нав­батдаги пленумида партия ташкилотлари ҳамда маҳаллий Кенгашлардаги гуруҳлари фаолияти танқидий таҳлил этилди. Йиғилишда фаоллар, депутатлар, «Фаол аёллар» ва «Истиқбол» ёшлар қанотлари етакчилари, йирик бошланғич ташкилотлар раислари иштирок этди.

Пленумда «Халқ билан мулоқот ва инсон манфаатлари йили» Давлат дастурида белгиланган вазифалар ижросини таъминлашда вилоят партия ташкилотлари ва депутатлар фаолиятини янада кучайтириш масаласи кўриб чиқилди. Бу ҳақда Ўзбекистон ХДП Қашқадарё вилоят кенгаши раиси, халқ депутатлари вилоят Кенгашидаги партия гуруҳи раҳбари Олим Равшанов маъруза қилди.

— Ўтган даврда маҳаллий Кенгашлардаги партия гуруҳларимиз ташаббуси билан ҳудудларни ижтимоий-иқтисодий ривожлантиришга доир 14 масала доимий комиссиялар ва 5 та масала сессияларда муҳокама этилди. Аммо буни етарли, деб бўлмайди, — деди у. — Маҳаллий Кенгашларда партиямизнинг 168 нафар депутати фаолият юритмоқда. Демак, дас­турий мақсадларимизни амалга ошириш, электорат манфаатларини ҳи­моя қилишда етарли куч ва имкониятга эгамиз. Сессия­га олиб чиқилган ҳар бир масала ижтимоий ҳимояни кучайтиришда муҳим аҳамият касб этади. Шу боис қанча кўп муаммолар депутатлар томонидан ўрганилса, одамларни ўйлантираётган камчиликлар бартараф этилади.

Шунингдек, пленумда, пар­­тия ташаббуси билан ўтказилаётган амалий тадбирлар ва уларнинг аҳамиятига алоҳида тўхталиб ўтилди. Ўзбекистон ХДП Марказий Кенгаши ташаббуси билан «Кучли ижтимоий ҳимоя — асосий мақсадимиз» акцияси доирасида ташкил этилган тадбирларда партия электорати бўлган кам таъминланган, ижтимоий ҳимоя­га муҳтож оилалар, ногиронлар ҳолидан хабар олиниб, уларга ижтимоий ёрдамлар кўрсатилгани қайд этилди.

Оналар ва болаларга сифатли тиббий хизмат кўрсатиш даражасини оширишга кўмаклашиш, хотин-қизларнинг ҳуқуқий, тиббий мада­ния­тини ошириш мақсадида «Аёллар соғлиғи — жамият бойлиги» ло­йиҳаси доирасида 2016 йилнинг февраль-декабрь ойларида ҳамкор ташкилотлар билан 100 дан ортиқ маҳалла ва қишлоқ врачлик пунктларида тадбирлар ва тиббий кўриклар ташкил этилди.

— Бугунги давр ҳар бир сиё­сий партия ва унинг фаолларидан ташаббускорликни талаб этади, — деди халқ депутатлари Касби туман Кенгаши депутати Нарзулла ­Файзиев. — Сабаби, давр билан ҳамнафас бўлмаган партия жамиятда ўз мавқеини йўқотиши муқаррар. Шу маънода партия ташкилотларимиз ўз фаолиятларини бугунги талаблар асосида ташкил этишга, доимий хабардорлик ва ҳамкорлик тамойили асосида ишлашга алоҳида эътибор қаратмоқда. Партия ташкилотларимиз, депутатларимиз, фаолларимиз бугун кечагидан, эртага бугунгидан кўра яхшироқ фаолият кўрсатишга ҳаракат қилиши лозим.

Пленумда, шунингдек, ­Китоб туманидаги Янгиобод ҳудудий БПТ раиси, 2-давлат махсус мактаб интернати ўқитувчиси Наргиза Боймуродова, Муборак туманидаги Алишер Навоий номли маҳалла фуқаролар йиғини раиси, халқ депутатлари туман Кенгаши депутати Зуҳра Тошева кун тартибидаги масала бўйича сўзга чиқиб, ўз фикр-мулоҳазаларини билдирди.

 

Музаффар ТУРОПОВ



DB query error.
Please try later.