Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
22.04.2017

ПАРТИЯНИНГ ТАЪСИР КУЧИ

кўп жиҳатдан маҳаллий кенгашлар фаолиятига боғлиқ

Мамлакатимизни изчил ривожлантиришнинг муҳим жиҳатларини белгилаб берган Ҳаракатлар стратегиясининг мазмун-моҳияти, шу асосида амалга оширилаётган ижобий ўзгаришлар ҳам ана шу мақсадга хизмат қиляпти. Унда белгиланган вазифаларни ижро этиш орқали давлат идоралари, жамоат ташкилотлари ва халқ ўртасида алоқалар янада кучайиб ­боряпти.

ЎзХДП Жиззах вилоят кенгаши пленумида шу ҳақида сўз юритилди. Унда Ўзбекистон ХДП Жиззах ви­лоят, шаҳар ва туман кенгаши раислари ва масъул ходимлари, маҳаллий Кенгашларидаги партиямиз гуруҳи раҳбарлари ҳамда оммавий ахборот воситалари вакиллари иштирок этди.

Пленумда «Халқ билан мулоқот ва инсон манфаатлари йили» Давлат дастуридан келиб чиққан ҳолда, партия­мизнинг 2015-2019 йилларга мўлжалланган амалий Ҳаракат дастурига тегишли ўзгартиш ва қўшимчалар киритилгани таъкидлаб ўтилди. Давлат дастурининг ҳар бир йўналиши бўйича олиб борилаётган ишларни янада кучайтириш бўйича аниқ вазифалар белгилаб олинди.

Халқ депутатлари Жиззах вилоят Кенгашидаги ЎзХДП гуруҳи аъзоси ­Акрам Иномов ижтимоий ислоҳотларда партиялар ролини кучайтириш масаласида фикр юритди.

— Ислоҳотларнинг бугунги босқичи уларни янада чуқурлаштириш, ҳам давлат ва жамият бошқаруви, ҳам иқтисодиётни модернизациялаш соҳасидаги ишларни мутаносиб равишда олиб боришни тақозо этади, — деди у. — Айниқса, ижтимоий соҳада олиб борилаётган кенг кўламли ислоҳотлар партиямиз учун принци­пиал аҳамиятга эга. Ўтган йили Жиззах вилоят, туман ва шаҳар Кенгашларидаги партиямиз гуруҳлари томонидан 10 масала сесссия кун тартибига киритилди. Сайловчиларни ўйлантираётган масалалар юзасидан 212 депутатлик сўрови юборилди. Албатта, эришилган натижаларимиз кўп. Лекин ҳозирги кун талаби билан қиёслаганда фаолиятимизни янада кучайтиришимиз керак.

Депутатларимиз ҳудудларни ижтимоий-иқтисодий ривожлантириш, электорат манфаатларини ҳимоя қилиш масалалари юзасидан ўзининг фикр-мулоҳазалари, аниқ позициясини намоён этиши зарур. Кенгаш­ла­р сессияларида мансабдор шахсларнинг ахборот ва ҳисоботларини эшитиш амалиётини янги босқичга кўтариш талаб этилмоқда.

Халқ депутатлари Жиззах вилоят Кенгашидаги ЎзХДП гуруҳи аъзоси Хидир Шукуров маҳаллий Кенгашлар депутатларининг масъулияти ҳақида ўз қарашларини баён этди.

Муҳокамалар чоғида электоратнинг асосий ижтимоий гуруҳларини тизимли ва янада тўлиқ қамраб олиш, партия сиёсий позицияси ва дастурий мақсадларини тушунтириш мақсадида ижтимоий-сиёсий тадбирларни кўпайтириш зарурлиги таклиф этилди. Мазкур йўналишда маҳаллий Кенгашлар ва бошлан­ғич ташкилотлар ҳар бир аҳоли яшаш жойларида нафақат партия ва унинг сиё­сий мафкурасидан хабардор, балки унинг тарафдори бўлишга интилаётган фуқаролар доирасини кенгайтиришга эришиши лозим.

Пленум якунида ташкилий масала кўрилди. Унда Ўрал Ўразбоев Ўзбекистон ХДП Жиззах вилоят кенгаши раиси этиб сайланди.

Кун тартибидаги масала юзасидан тегишли қарорлар қабул қилинди.

 

Ҳусан АБДУНИЁЗОВ



DB query error.
Please try later.