Охирги сонда



Кўп ўқилган мақолалар



Долзарб мавзу



Мақолалар архиви

«    Avgust 2018   
Du Se Cho Pa Ju Sha Ya
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
15.04.2017

ФРАНЦИЯДА ЎЗБЕК РАССОМИНИНГ КЎРГАЗМАСИ

Руэй-Мальмезон шаҳрида ўзбек миниатюрачи рассоми Давлат Тошев асарларининг кўргазмаси бўлиб ўтди. Тадбир мамлакатимизнинг Франциядаги элчихонаси томонидан мазкур шаҳар мэрияси ва Бухоро шаҳар ҳокимияти билан ҳамкорликда давлатларимиз ўртасида дипломатик муносабатлар ўрнатилганининг 25 йиллиги муносабати билан ташкил этилди.

Кўргазманинг очилиш маросимида Руэй-Мальмезон шаҳри маъмурияти, маҳаллий органлар депутатлари, Франциянинг ишбилармон, маданий ва ижтимоий доиралари, ОАВ вакиллари ҳамда Бухоро шаҳри делегацияси қатнашдилар.

Тадбир чоғида мамлакатимизда амалга оширилган демократик, ижтимоий-иқтисодий ислоҳотлар, сармоявий ва иқтисодий муҳитни такомиллаштириш, маданий меросни оммалаштириш борасидаги ишлар Ўзбекистон ва Франция ўртасидаги алоқаларнинг янада самарали ривожланишига мустаҳкам асос яратиши таъкидланди.

Маълумки, Бухоро ва Руэй-Мальмезон шаҳарлари ўртасидаги шериклик алоқалари 1999 йил январь ойида ўрнатилган ва ҳозиргача фаол ривожланиб келмоқда. Хусусан, йўлга қўйилган мунтазам делегациялар алмашинуви, ўтказиб келинаётган маданий тадбирлар, амалга оширилаётган қўшма лойиҳалар халқларимиз ўртасидаги дўстона муносабатларни мустаҳкамлашга хизмат қилиб келмоқда.

Францияликлар Марказий Осиёнинг юрагида жойлашган ва ўзининг бой тарихи, маданияти ва ўрта асрлар Шарқ меъморчилигининг дурдоналари билан машҳур Ўзбекистонга катта қизиқиш билан қарашади. Ўтган йиллар давомида Руэй-Мальмезон шаҳрининг юзлаб аҳолиси мамлакатимизда бўлиб, муқаддас Бухоронинг диққатга сазовор масканлари ва меҳмондўст халқи билан танишиш имкониятига эга бўлишди.

Мазкур «XXI аср ўзбек миниатюра санъати» мавзусидаги кўргазма Франция жамоатчилигининг Ўзбекистонга бўлган қизиқишини яна бир бор намойиш этди ва мамлакатимизга таклиф этишнинг ўзига хос кўриниши бўлди.

Тадбирда «Жаҳон» ахборот агентлиги айрим иштирокчиларнинг таассурот ва мулоҳазалари билан қизиқди.

Филипп Тротан, Руэй-Мальмезон шаҳри мэрининг халқаро муносабатлар, шериклик алоқалари ва сайёҳлик масалалари бўйича ўринбосари:

— Руэй-Мальмезон мэрия­си Давлат Тошевнинг кўргазмаси ўтказилишидан ва Бухоро шаҳри делегациясини кутиб олишдан жуда мамнун. Ушбу тадбир иккала шаҳар ва халқларимиз ўртасидаги мустаҳкам дўстона алоқаларнинг рамзини ифода этади. Биз кўргазма ва ўзбекистонлик меҳмонларнинг ташрифи самимий муносабатларимизни янада яқинлаштиради, деб ҳисоблаймиз.

Миниатюрачи рассом Д.Тошевнинг фавқулодда ­истеъдод эгаси эканини алоҳида таъкидлашни истардим. Кўргазманинг ташкил этилиши Руэй-Мальмезон шаҳри ҳамда пойтахт Иль-де-Франс минтақаси аҳолиси учун ўзбек миниатюра мактаби вакилининг бебаҳо суратлари, мамлакатингизнинг бой маданияти ва сайёҳлик салоҳияти билан яқиндан танишиш имкониятини яратди.

Жан-Клод Ришар, Франциянинг Ўзбекистондаги собиқ элчиси:

— Ассалому алайкум, азиз дўстлар! Бугун бетакрор ­Бухоро шаҳри вакиллари билан учрашиш менга улкан мамнуният бағишлади. Руэй-Мальмезондаги кўргазма Д.Тошев мўйқаламига мансуб Ўзбекистоннинг ноёб миниатюра санъатининг намунасидир.

Мен бундан 18 йил муқаддам иккала шаҳар ўртасида шериклик алоқаларини ўрнатиш масалаларининг бошида туриш насиб этганидан жуда хурсандман. Бу жараёнда шаҳримизнинг ўша пайтдаги мэри Жак Баумелнинг хизматлари катта бўлган. Бухоро ва Руэй-Мальмезон Ўзбекистон ва Франциянинг биродарлашув алоқалари ўрнатилган илк шаҳарлари бўлди. Ушбу муносабатлар янада фаолроқ ривожланишини ва Франциянинг бошқа шаҳарлари учун намуна бўлиб хизмат қилишини истардим.

Бугунги ажойиб кўргазма икки мамлакат алоқаларида фойдали ва ўзаро манфаатли аҳамият касб этади. Хоҳлардимки, давлатларимиз ўртасидаги ҳамкорлик иккала дўст халқлар фаровонлиги йўлида янада муваффақиятли ривожланаверсин.

 

«Жаҳон» АА,

Париж.



DB query error.
Please try later.