Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
04.04.2017

ҲАРАКАТЛАР СТРАТЕГИЯСИ

мазмун-моҳияти ўрганилмоқда

Навоий вилоят партия кенгашида 2017-2021 йилларда Ўзбекистон Республикасини янада ривожлантиришнинг Ҳаракатлар стратегияси, унда белгиланган беш устувор йўналиш мазмун-моҳиятига бағишланган давра суҳбати ўтказилди. Партия фаоллари, депутатлар, бошланғич ташкилотлар етакчилари кун тартибидаги масала юзасидан ўз фикр-мулоҳазаларини билдиришди.

— Ҳаракатлар стратегияси асосида давлатимизни янада барқарор ва жадал суръатлар билан ривожлантириш йўлида янгича ёндашув ва тамо­йиллар амалга оширилмоқда, — деди ЎзХДП Навоий вилоят кенгаши раиси вазифасини бажарувчи Фазлиддин Темиров. — Унда мамлакатимизда олиб борилаётган ислоҳотлар самарасини янада ошириш, давлат ва жамият ривожини янги бос­қичга кўтариш, ҳаётнинг барча соҳаларини либераллаштириш, модернизация қилиш бўйича энг муҳим устувор йўналишлар белгиланган.

Хусусан, унинг биринчи йўналишида давлат ва жамият қурилиши тизимини такомиллаштириш масалалари аниқ белгиланган. Бу демократик ислоҳотларни чуқурлаштириш, ижро ҳокимияти фаолияти устидан депутатлик ва парламент назоратини амалга ошириш, давлат ва жамият ҳаётида сиёсий партияларнинг ролини янада кучайтириш, улар ўртасида соғлом рақобат муҳитини шакллантиришда муҳим аҳамият касб этади.

Олдимизда турган энг асосий вазифалардан бири Ҳаракатлар стратегиясининг мазмун-моҳияти ва унда назарда тутилган ҳар бир йўналишни электорат вакилларига тушунарли қилиб етказишдан ­иборат. Бунга эришиш учун биринчи галда бошланғич партия ташкилотлари билан алоқаларни мустаҳкамлаш зарур.

— Маълумки, Ҳаракатлар стратегиясининг тўртинчи йўналиши ижтимоий соҳани ривожлантириш масаласига бағишланган. Бу партиямиз электорати манфаатларига хизмат қилади, — деди вилоят партия кенгаши бўлим мудири Ўткир ­Тиллаев. — Унга кўра, 2017-2021 йилларда ижтимоий тизимдаги ислоҳотлар ­янада кенгаяди. ­Хусусан, аҳолининг бандлик даражасини ошириш, улар саломатлигини муҳофаза қилиш, ижтимоий ҳимояни кучайтириш чоралари белгиланган. Шунингдек, тадбиркорликни йўлга қўйиш учун коллеж битирувчиларига имтиёзли кредитлар ажратилиши ҳам назарда тутилган. Бундай ислоҳотлар халқимизнинг эртанги кунга бўлган ишончини янада орттиради.

— Ҳаракатлар стратегиясида янгиланган лойиҳалар асосида замонавий турар-жойлар қурилиши ҳам назарда тутилган, — деди Навоий давлат педагогика инсти­тутидаги бошланғич партия ташкилоти етакчиси Хуршид Қурбонов. — Уйлар коммуникация тармоқларига тўлиқ уланиши белгиланган. Бу эса муносиб ҳаёт кечириш учун қулай имкониятлар яратилаётганини билдиради. Уйларнинг сифатли қурилиши ва ўз муддатида топширилиши учун жамоатчилик назоратини доимий олиб бориш лозим, деган фикрдаман.

Сўзга чиққанлар Ҳаракатлар стратегиясини амалга оширишда партия фаоллари, аъзолари ва депутатларни фаол бўлишга чақиришди. Бу борада ҳамжиҳатликда, ҳамфикр бўлиб иш олиб бориш, жамоатчилик ва депутатлик назоратини кучайтириш муҳим масала экани алоҳида қайд этилди.

 

Илҳом САТТОРОВ,

«Ўзбекистон овози» мухбири.



DB query error.
Please try later.