Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
01.04.2017

АРЗОН ВА СИФАТЛИ

дори-дармон воситалари ишлаб чиқарилмоқда

«Ўзфармсаноат» акциядорлик концерни томонидан аҳолини ижтимоий аҳамиятли дори воситалари билан чегараланган нарх­ларда узлуксиз таъминлаш борасида амалга оширилаётган ишларга бағишланган матбуот анжумани ўтказилди.

Тадбирда бугунги кунда республикамиздаги 146 фармацевтика корхонаси 2 мингдан зиёд номдаги дори-дармонлар, тиббиёт буюмлари ҳамда диагностика воситалари ишлаб чиқараётгани қайд этилди.

— Президентимизнинг 2016 йил 31 октябрдаги аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғрисидаги қарорида аҳолини сифатли дори-дармонлар билан таъминлаш баробарида нарх-наво мутаносиблигини таъминлаш бўйича ҳам устувор вазифалар белгиланган, — дейди «Ўзфармсаноат» акциядорлик концерни бошқарув раиси ­маслаҳатчиси Жамолиддин ­Нажмиддинов. — Шунга мувофиқ ижтимоий аҳамиятга молик дори-дармонлар ва тиббиёт буюмлари рўйхати тасдиқланди. Маҳаллий фармацевтика корхоналари томонидан четдан келтириладиган дори воситаларини ўзимизда ишлаб чиқариш бўйича иш олиб борилмоқда.

— Корхонамиз бугунги кунда 113 турдаги арзон ва сифатли дори-дармон воситаларини ишлаб чиқармоқда, — дейди «Nobel Pharmsanoat» қўшма корхонасининг маркетинг бўлими ­бошлиғи Отабек Чориев. — Илмий текшириш институтлари билан ҳамкорликда маҳаллий шифобахш гиёҳлардан дори-дармон ишлаб чиқариш йўлидаги илмий изланишлар давом эттирилмоқда. Яқинда Остона шаҳрида бўлиб ўтган Ўзбекистон — Қозоғистон бизнес-форумида корхонамиз ҳам қатнашди. Қозоғистонга 1 миллион долларлик замонавий дори-дармон воситаларини экспорт қилиш бўйича шартнома имзоланди. Ишлаб чиқараётган маҳсулотларимиз сифати ISO-9001 сифат сертификатига ҳамда GMP стандартига тўлиқ жавоб беради.

Тадбир сўнгида бугунги кунда фармацевтика корхоналарида ишлаб чиқарилаётган дори-дармонлар кўргазмаси ҳам ташкил этилди.

 

Тоштемир ХУДОЙҚУЛОВ,

«Ўзбекистон овози» мухбири.



DB query error.
Please try later.