Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
25.03.2017

«МУАММОЛАРНИ ҲАЛ ЭТИШДА МЕНИНГ ИШТИРОКИМ»

лойиҳаси давом этмоқда

ЎзХДП Марказий Кенгаши ташаббуси билан «Муаммоларни ҳал этишда менинг иштироким» лойиҳаси доирасида Тошкент политехника касб-ҳунар коллежида ташкил этилган давра суҳбати ёшлар билан очиқ мулоқот тарзида ўтказилди.

Партия Марказий Кенгаши сектор мудири Умурбек Бектемиров партиямизнинг ёш аъзоларини тадбир ва семинар-тренингларда фаол иштирок этишга ундади. «Истиқбол» ёшлар қаноти қошидаги «Ёш сиёсатчилар» клуби аъзоларининг ташаббускорлигини ошириш муҳим вазифа эканини таъкидлади.

— Клуб аъзоларининг маҳаллий Кенгашлар депутатлари билан ҳамкорлигини кучайтириш, жойлардаги муаммоларни ўрганиб, сессиялар муҳокамасига олиб чиқишда таклифларни шакл­лантириш долзарб масаладир, — дейди у. — Бу тажриба ҳудудларни ижтимоий-иқтисодий ривожлантиришда ёшларнинг фаол иштирокини таъминлаш, уларни депутатликка тайёрлашда қўл келади, деб ўйлаймиз.

Давра суҳбатида йигит-қизлар билан мунтазам равишда эркин, самимий суҳбатлар уюштириш кераклиги қайд этилди. Ёшларни бир жойга тўп­лаб, умумий гаплар, зерикарли маърузалар ўқишдан воз кечиш, аксинча, уларнинг ­муаммоларини ўрганиш, бартараф этиш йўлида асосли таклифлар билан чиқиш бўйича фикрлар билдирилди.

— Бугун ҳеч биримизнинг бефарқ бўлишга ҳақ­қимиз йўқ, — дейди Тошкент политехника касб-ҳунар коллежи ўқувчиси Зуҳра Эркиналиева. — Баъзи тенгдошларимизнинг интернет сайтларидан, ижтимоий тармоқлардан но­тўғри фойдаланаётгани, асоссиз дарс қолдиришларга гувоҳ бўламиз. Бу ­муаммоларнинг сабабларини чуқур ўрганишимиз керак. Хўш, ёшлар интернетдан қандай мақсадлар учун фойдаланяпти, нега дарс қолдиряпти? Ана шу каби саволларга жавоб излаш, улар билан дилдан суҳбатлашиш, руҳан мадад бериш керак, назаримда.

Тадбир якунида эҳтиёжманд оилалар фарзанд­ларига ўқув формаси, шаҳар жамоат транспортидан фой­­даланиши учун ойлик йўл чипталари, ўқув қуроллари ва эсдалик совғалари топширилди.

 

Маҳлиё АЛИҚУЛОВА



DB query error.
Please try later.