23.03.2017

Ёшлар тарбияси — муҳим масала

Самарқанд вилоят Ички ишлар бошқармаси томонидан жиноятчиликка қарши курашиш, фуқаролар хавфсизлигини таъминлаш борасида қатор ишлар амалга оширилмоқда.

Самарқанд вилоят ички ишлар бошқармаси бошлиғи, полковник Файзулла Қувондиқов бошчилигида бошқарма мутасадди раҳбарларидан иборат гуруҳлар шакллантирилиб, шаҳар-туманларга сафарбар этилди.

Ишчи гуруҳлар жойларга боргач, содир этилган жиноят ва ҳодисаларни таҳлил қилмоқда. Узоқ қишлоқ ва аҳоли пунктларида фуқаролар билан «Огоҳлик — давр талаби», «Ўз уйингни ўзинг асра» шиори остида тар­ғибот-ташвиқот ишларини олиб боришяпти.

Бошқарма бошлиғи Пастдар­ғом туманининг Дўрмонтепа маиший хизмат ва сервис касб-ҳунар коллежи ўқувчилари билан очиқ мулоқот ташкил этди.

Давра суҳбатида тизим раҳбари ўқувчи ёшларни турли ғоялар таъсиридан асраш борасида сўз юритиб, ёшларнинг китобга бўлган қизиқиши, китоб мутолааси борасидаги билимларини текширди.

Пастдарғом туман ИИБ ва воя­га етмаганлар билан ишлаш комиссияси томонидан ҳисобга олинганларнинг 11 нафари қиз бола ва 12 нафари умумтаълим мактаби ўқувчилари эканлиги танқид қилинди. Бу масалага маҳалла фаоллари, ота-оналар эътиборсиз қараётгани афсусланарли.

Давра суҳбатининг иккинчи қисмида ёшларни иш билан банд қилиш мақсадида вилоят Миллий банкининг Пастдарғом филиали бош мутахассиси Санжар Сатторов ва бошқалар кичик бизнес ва тадбиркорлик билан шуғулланиш учун банкдан кредит олиш, кафиллик шарти ва имкониятлари, кредит олишда зарур бўладиган ҳужжатларни тақдим этиш бўйича тушунтириш беришди.

Тадбир доирасида «Дўрмонтепа» ҚФЙ ҳудудида мунтазам равишда ўқишга қатнамаётган икки нафар ўқувчи хонадонига борилиб, сўнгги огоҳлантириш берилди.

Бошқарма бошлиғи Бўстон ва Амир Темур маҳалла фаоллари билан ташкил этилган учрашувда узоқ муддатга хорижга кетган ёшлар таҳлили, уларнинг баъзилари ОИТС ва бошқа касалликлар орттириб қайтаётгани, бекорчилик қандай ачинарли ҳолатларни юзага келтириши ҳақида сўз юритди.

Бу чоралардан кўзланган мақсад ҳуқуқбузарликларнинг олдини олиш, ёшларни ёт ғоялар таъсиридан сақлаш ҳамда халқи­миз осойишталигини таъминлашдир.

 

Аслиддин ИРГАШЕВ,

Самарқанд вилоят ИИБ Инсон ҳуқуқларини ҳимоя қилиш ва юридик таъминлаш бўлинмаси катта инспектори, майор.



DB query error.
Please try later.