Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
23.03.2017

ИНСОН ВА ТАБИАТ УЙҒУНЛИГИ

«Баркамол авлод» Республика болалар ўлкашунослик ва экология марказида ўтказилган Наврўз байрамида ўқувчилар томонидан ижро этилган куй-қўшиқлар, саҳна кўринишларида инсон ва табиат ўртасидаги муштараклик талқин этилди.

— Инсон — табиатнинг ажралмас бир қисми, — дейди «Баркамол авлод» Республика болалар ўлкашунослик ва экология маркази директори Лола Ешмирзаева. — Шунинг учун ҳам она табиатни асрашимиз, унга меҳр ва эътибор билан ёндашишимиз зарур. Чунки атроф-муҳитга етказилган ҳар қандай зиён бу аввало инсониятнинг ўзига етказилган зарардир. Ушбу ҳақиқатни фарзандларимиз онгига сингдиришимиз, уларда табиатга меҳр уйғотишимиз зарур.

— Наврўзда сумалак пишириш одати неча асрлардан буён давом этиб келмоқда, — дейди тўгарак раҳбари Садоқат Рўзиқулова. — Қадимий ва шифобахш бўлган сумалакнинг ҳам ўз тарихи бор, албатта. Шуниси эътиборлики, сумалак қўни-қўшни, қариндош-уруғ, умуман, кўпчилик иштирокида тайёрланади ва бу жараёнда одамлар ўртасидаги меҳр-оқибат янада мустаҳкамланади.

Тадбирда марказ ўқувчилари томонидан яратилган Наврўзга оид маросимлар, халқ сайиллари ифода этилган кўплаб рангтасвир ва графика асарлари намойиш этилди.

— Ўқувчиларимизга Наврўз арафасида чиқадиган шифобахш ўсимликлар, улар ҳақида пайдо бўлган ривоят ва афсоналар тўғрисида маълумотлар беришга интиламиз, — дейди марказнинг маънавий-маърифий ишлар бўйича директор ўринбосари Хайриддин Бойиров. — Халқ урф-одатлари ва анъаналари ўқувчиларнинг маънавий оламини бойитиб қолмасдан, уларда миллий қадриятларимизга ҳурмат ҳам уйғотади.

 

Мавжуда ҲАЙИТОВА,

ЎзХДП фаоли.



DB query error.
Please try later.