Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
14.03.2017

КЎЧМА ЖАМОАТЧИЛИК ҚАБУЛХОНАСИДА

мурожаатлар ўрганилди

Аҳоли мурожаатлари билан ишлаш, электорат манфаатларини ҳимоялашда партиямиз маҳаллий кенгашлари қошида фаолият кўрсатаётган Жамоатчилик қабулхоналари муҳим ўрин тутмоқда. Шунинг учун бу тузилмага мурожаат қилувчилар сони йил сайин кўпаймоқда.

Халқ билан мулоқот ва инсон манфаатлари йили муносабати билан Жарқўрғон туман партия кенгаши томонидан Кўчма жамоатчилик қабулхонаси ташкил этилди. ЎзХДП Сурхондарё вилоят ва Жарқўрғон туман кенгашлари мутасаддилари, ҳудуддаги корхоналар раҳбарлари, депутатлар, маҳалла фаолларидан иборат ишчи гуруҳи аҳолини ўйлантираётган муаммоларни ўрганди.

Айтиш керакки, туман Кенгашида партиямиздан сайланган 15 нафар, вилоят Кенгашида эса 2 нафар депутат фаолият кўрсатмоқда. Улар ҳудудларда қонунлар ва қарорлар ижроси устидан мунтазам назорат ўрнатиб, одамларни ўйлантираётган муаммоларни бартараф қилишда фаол иштирок этмоқда.

«Янгиобод» маҳалла фуқаролар йиғинидаги мулоқот жараёнида сайловчилар, электорат вакиллари турли масалаларда мурожаат қилишди.

— Ҳудудимизда 4 минг 256 нафар аҳоли истиқомат қилади. 978 та хонадон ва 1 минг 185 оила бор, — дейди «Янгиобод» маҳалла фуқаролар йиғини раиси Баҳодир Ҳожиматов. — Уларнинг бир қисми кўп қаватли уйларда яшайди. Бу жойда сув таъминоти билан боғлиқ муаммо мавжуд. Масалани атрофлича ўргандик. Халқ депутатлари Жарқўрғон туман Кенгаши депутатлари уни ҳал этишда амалий ёрдам берадиган бўлди.

— Маҳалламизда дорихона йўқ, — дейди Рамия Бектемирова. — Бу аҳолига қи­йинчилик туғдирмоқда.

Маҳалла фуқаролар йиғини раи­си тадбиркорлар билан маслаҳатлашилгани, йилнинг иккинчи ярмида дорихона ташкил этилиши ҳақида маълум қилди.

Ошкора ва самимий руҳда ўтган учрашувда тадбиркорликни йўлга қўйиш, бандлик, ички йўлларни таъмирлаш, газ босими пастлиги, таълим, тиббиёт, ижтимоий тўлов билан боғлиқ мурожаатлар бўлди. Ишчи гуруҳи аъзолари ҳар бир масалани атрофлича муҳокама қилишди. Амалий таклифлар ўртага ташланди.

— Муаммоларни бартараф этишда аввало ўзимиз ўрнак бўлишимиз керак, — дейди ЎзХДП Сурхондарё вилоят кенгаши раиси ўринбосари Мавжуда Ҳасанова. — Реал ҳаётни ўрганиш, аниқ натижа учун ишлаш давр талабидир. Бугунги Кўчма жамоатчилик қабулхонасида 20 га яқин мурожаатни ҳал этиш бўйича чора-тадбир белгиланди. Ҳар ойда икки марта жойларда ана шундай қабулларни ўтказиш режалаштирилган.

 

Абдумалик ҲАЙДАРОВ,

«Ўзбекистон овози» мухбири.



DB query error.
Please try later.