Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
11.03.2017

ПАРТИЯ ГУРУҲЛАРИ ФАОЛИЯТИНИ КУЧАЙТИРИШ — ДОЛЗАРБ МАСАЛА

Ўзбекистон ХДП Марказий Кенгашида партия ташкилотлари ва депутатлар фаолиятини кучайтиришга бағишланган ўқув-семинар ўтказилди. Унда Тошкент шаҳар ва Тошкент вилоят партия кенгашлари ходимлари, бошланғич ташкилотлар етакчилари ҳамда депутатлар иштирок этди.

Дастлаб партия Марказий Кенгаши бўлим мудири Боймурод ­Юсупов депутатлар ўз фаолиятини бугунги кун талаблари даражасида ташкил этиши кераклигини алоҳида таъкидлади. Маҳаллий Кенгашлар сессияларида ижтимоий-иқтисодий ривожланиш масалаларини кўриб чиқиш, ижро ҳокимияти органлари мансабдор шахсларининг ҳисоботларини эшитиш механизмидан самарали фойдаланиш лозимлиги қайд этилди.

— Бугун шунчаки қоғоз тўлдириб, иш битираман деган депутат, партия фаоли қаттиқ янглишади. Одамлар билан ҳамнафас бўлиб ишласак, жамиятда ўз ўрнимизга эга бўламиз, — деди у. — Аммо тан олиш керак, ҳамма депутатларимиз ҳам, партия ходимларимиз ҳам ишга, ўзига юклатилган вазифага жон жаҳди билан киришмаган. Электоратни ўйлантираётган масалаларни ҳал этиш бўйича сусткашликка йўл қўйиб келаётган вакилларимиз ҳам йўқ эмас. Бу каби хато ва камчиликларни бартараф этиш, ташаббускорликни ошириш мақсадида зарур чора-тадбирлар белгиладик. Эндиликда ҳар бир депутат ўз ҳудудидаги ҳаётни чуқур ўрганиб, таклифлар беради.

Ўқув-семинарда, шунингдек, ижти­моий ҳимояга эҳтиёжманд кишиларга манзилли ёрдам кўрсатиш, меъёрий-ҳуқуқий ҳужжатлар лойиҳаларини жамоатчилик муҳокамасидан ўтказиш жараёнларида фаол иштирок этиш масалалари ҳақида сўз юритилди.

ЎзХДП Марказий Кенгаши сектор мудири Анвар Бойқулов, Тошкент вилоят партия кенгаши раиси ­Меҳрожиддин Дархонов ва бошқалар семинар мавзусига доир фикр-мулоҳазаларини билдирди. Партия гуруҳлари фаолиятини кучайтиришга қаратилган ўқув-семинарларни тизимли равишда ўтказишга келишиб олинди.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.