Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
04.03.2017

ЭЪТИБОР ВА ҒАМХЎРЛИК

одамларнинг кўнглини кўтармоқда

Президентимизнинг «Иш ҳақи, пенсия, нафақа ва стипендияларни тўлаш механизмини такомиллаштиришга доир қўшимча чора-тадбирлар тўғрисида»ги қарори Қорақалпоғистон Республикасидаги пенсионерлар, талабалар ва ижтимоий муҳофазага муҳтож барча фуқароларни ниҳоятда мамнун этди. Айниқса, олис қишлоқ ва овулларда яшовчи кексаларнинг миннатдорлиги чексиз.

– Мен Қораўзак туманининг Бердақ овул фуқаролар йиғинида истиқомат қиламан, – дейди Бибигул Жумамуратова. – Олдинлари пластик карточка орқали олинган пенсияларни қандай ишлатишни билмай қийналардик. Президентимизнинг қарори қабул қилинган заҳоти кучга кирганидан хурсандмиз. Февраль ойидан пенсияларимизни ўз вақтида олаяпмиз.

– Юртимизда аҳолининг эҳтиёжманд қатламини ижтимоий ҳимоялашга катта эътибор берилаётганига ўзим гувоҳман, — дейди Чимбой туманида истиқомат қилувчи II гуруҳ ногирони Юсупбой Туремуратов. – Айниқса, давлатимиз раҳбарининг қарори асосида биздек ногиронларга пенсиянинг нақд пулда тўланиши ҳар томонлама қулайлик туғдирди. Эндиликда пенсия пулларини даволаниш, дори-дармон сотиб олиш ва уй-рўзғор харажатлари учун бемалол сарфлаш имконига эга бўлдик.

– Ёшим 81 да, – дейди Чимбойлик Минаж Аминов. – Кекса кишига пластик карточкалардан фойдаланиш кўп қи­йинчилик туғдиради. Бозордаги маҳсулотларни карточка орқали сотиб олиб бўлмайди. Картошка, пиёз, сабзи, мева-чева эса терминали бор дўконларда кам топилади. Шундай пайтда нима қилишимизни билмай бошимиз қотарди. Энди эса нақд пулга хоҳлаган жойимизда, хоҳлаган нарсани сотиб оляпмиз. Биз, кексаларга кўрсатилган эҳтиром, яратилган қулайликдан миннатдормиз.

– Мен Кегайли туманининг чекка қишлоқларидан бирида истиқомат қиламан, – дейди Жақсибике Сапарова. – Почта ходимлари пенсиямизни уйимизга олиб келиб беришди. Яна нақд пулда. Шундан бери қўлимиз ва тилимиз дуода. Бизни сийлаганларни Яратганнинг ўзи сийласин, деймиз.

Ҳа, бу ҳаётий қарор одамлар мушкулини осон қилиб, кўнглини кўтармоқда, турмушини янада фаровонлаштирмоқда. Энг муҳими, одамлар эътибордан миннатдор.

 

Мнажатдин ҚУТЛИМУРАТОВ,

«Ўзбекистон овози» мухбири.



DB query error.
Please try later.