Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
02.03.2017

ГАЗНИНГ ҲАМ ҲИСОБИ БОР

«Ўзтрансгаз» акциядорлик компанияси томонидан «Аҳолини қиш мавсумида табиий ва суюлтирилган газ билан барқарор таъминлаш» мавзусида матбуот анжумани бўлиб ўтди. Унда компания раҳбарияти, масъул ходимлари иштирок этди.

«Ўзтрансгаз» акциядорлик компанияси томонидан республика газ хўжалигини 2016-2017 йилларда куз-қиш мавсумига тайёрлаш доирасида бир қатор тадбирлар амалга оширилгани таъкидланди.

Хусусан, жорий йилнинг ўтган даврида 68,6 километр газ қувурлари мукаммал таъмирланиб, 171,9 километр газ қувурлари реконс­трукция қилинди. 70 минг 469 дона газ тақсимлаш пунк­ти тафтиш қилинди, 7 минг 201,3 километр қувурлар босим остида синалди. Шунингдек, 5607,8 километр ерости қувурлари махсус ускуна ёрдамида текширилди ва 1690,4 километр газ қувурлари бўёқланди. Ҳозирги кунда компания томонидан 130 минг километрдан ортиқ газ қувурлари орқали 14 миллионга яқин аҳоли истиқомат қилаётган 3 миллиондан зиёд уй-жой, 80 мингдан ортиқ улгуржи истеъмолчига табиий газ етказиб берилмоқда.

Ҳудудларда аҳолига суюлтирилган газ етказиб бериш борасида ҳам қатор ишлар амалга оширилиб келинмоқда. Жумладан, 2 миллион 500 мингдан ортиқ хонадон суюлтирилган газ билан таъминланяпти. Тасдиқланган жадвал доирасида аҳолига жорий қиш мавсумида 138 минг тоннадан ортиқ суюлтирилган газ ва 155 мингдан ортиқ маиший газ баллонлари етказиб берилмоқда.

Албатта, табиий газ бебаҳо бойлик ҳисобланади. Шундай экан, уни асраб-авайлаш, фойдаланишда исрофгарчиликка йўл қўймаслик барчамизнинг бурчимизга айланмоғи лозим. Бунинг учун жойларда тарғибот ишлари олиб борилиб, табиий газдан ноқонуний фойдаланаётганларга нисбатан тегишли тартибда чора кўрилаяпти. Оммавий ахборот воситалари билан ҳамкорликда мунтазам равишда қўшма рейдлар уюштирилиб, аниқланган ноқонуний ҳолатларга чек қўйилмоқда.

Матбуот анжумани доирасида «Ўзтрансгаз» АК фаолияти ҳақида ҳикоя қилувчи «Газ тўловига муносабат» номли видеофильм намойиш этилди. Шунингдек, журналистлар ўзларини қизиқтирган саволларга жавоб олишди.

 

Бардамбек САЪДУЛЛАЕВ,

«Ўзбекистон овози» мухбири.



DB query error.
Please try later.