Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
28.02.2017

ҲАРАКАТЛАР СТРАТЕГИЯСИ: ТАРАҚҚИЁТНИНГ ЯНГИ БОСҚИЧИ

Ўзбекистон Халқ демократик партияси Тошкент вилояти кенгаши томонидан 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини Халқ билан мулоқот ва инсон манфаатлари йилида амалга оширишга оид Давлат дастуридан келиб чиқиб, партия ташкилотлари ва депутатлик гуруҳлари олдида турган устувор вазифаларга бағишланган давра суҳбати ўтказилди.

Тадбирда Ўзбекистон Республикаси Олий Мажлиси Қонунчилик палатаси депутатлари, халқ депутатлари маҳаллий Кенгашларидаги партия гуруҳи аъзолари, партиянинг вилоят, туман ва шаҳар кенгашлари вакиллари ҳамда оммавий ахборот воситалари ходимлари иштирок этди.

Президентимиз раҳнамолигида ҳу­қуқий демократик давлат ва кучли фуқаролик жамияти барпо этиш жараёнида эркин бозор муносабатлари ва хусусий мулк устуворлигига асосланган иқтисодиётни ривожлантириш, халқнинг осойишта ва фаровон ҳаёт кечириши учун барча шароитни яратишга қаратилган комплекс чора-тадбирлар амалга оширилаётгани таъкидланди. 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегия­си юртимизда амалга оширилаётган ислоҳотлар самарадорлигини янада юксалтириш, давлат ва жамиятнинг ҳар томонлама жадал ривожланишини таъминлаш учун шарт-шароитни яратиш, мамлакатни модернизация қилиш ва ҳаётнинг барча соҳаларини эркинлаштиришдан иборат экани билан ғоят аҳамиятлидир.

– Ҳаракатлар стратегиясининг ҳар бир йўналиши бўйича аниқ белгиланган вазифаларни амалга оширишда партиямизнинг маҳаллий кенгашлари ва депутатлик гуруҳлари олдида турган асосий вазифаларни белгилаб олдик, – дейди партия вилоят кенгаши раиси М.Дархонов. – Ислоҳотлар жараёнида сиёсий партия­лар фуқароларнинг мақсад ва манфаатларини рўёбга чиқарадиган куч сифатида янада фаол иштирок этиши лозим. Партия маҳаллий кенгашлари, депутатлик гуруҳлари томонидан ҳудудларни ижтимоий-иқтисодий ривожлантириш дас­турларини чуқур таҳлил этиш, уларнинг қай даражада самарали амалга оширилаётганини тизимли мониторинг қилиш, ечимини кутаётган, аҳолини ўйлантираётган масалалар юзасидан тавсиялар ишлаб чиқиш, давлат ва бошқарув органлари билан биргаликда муаммоларни жойида ҳал этиш чораларини кўриш зарурлиги таъкидланди.

Партиянинг туман ва шаҳар кенгашлари вакиллари, журналистлар ўзларини қизиқтирган саволларга мутахассислардан жавоб олди.

 

И.АВВАЛБОЕВ,

ЎзА мухбири.


Фикр ва мулохазалар

Защита от автоматических сообщений

Сўнгги янгиликлар: