28.02.2017

ДОЛЗАРБ МАСАЛАЛАРГА БАҒИШЛАНДИ

Навоий шаҳрида Ўзбекистон Халқ демократик партияси Навоий вилоят кенгаши Ижроия қўмитасининг навбатдаги йиғилиши бўлиб ўтди. Унда халқ депутатлари туман, шаҳар, вилоят Кенгашларидаги партия гуруҳлари раҳбарлари, депутатлар ва фаоллар иштирок этди.

Йиғилишда ЎзХДП Марказий Кенгаши раиси Хатамжон Кетмонов қатнашди ва партия вилоят кенгашининг 2016 йилги фаолияти юзасидан танқидий-таҳлилий фикр билдирди.

— Мамлакатимизда демократик ислоҳотларни чуқурлаштириш, инсон манфаатларини таъминлашга катта эътибор қаратилмоқда, — деди партия етакчиси. — Жорий йилнинг Халқ билан мулоқот ва инсон манфаатлари йили, деб номланиши, шу муносабат билан қабул қилинган Давлат дастури асосида изчил чора-тадбирлар амалга оширилаётгани партиямиз олдига ҳам бир қатор устувор вазифаларни қўйди.

Барча даражадаги партия гуруҳи аъзолари халқ ичига чуқурроқ кириб бориб, аҳолини ташвишга солаётган муаммоларни ўрганиш, айни пайтда уларни ҳал этиш бўйича қатъийлик кўрсатиши зарур. Президентимизнинг «Танқидий таҳлил, қатъий тартиб-интизом ва шахсий жавобгарлик — ҳар бир раҳбар фаолиятининг кундалик қоидаси бўлиши керак» номли маърузасида билдирилган фикр­лар ҳар биримиздан ўз ишимизни танқидий кўриб чиқишни талаб қилади.

Кейинги йилларда Навоий вилоят партия кенгаши фаолиятида бир қатор сусткашликлар кузатилаётгани таъкидланди. ЎзХДП Марказий Кенгаши томонидан ўтказилган ўрганиш жараёнларида вилоят кенгаши масъул ходимлари томонидан молия-хўжалик, кадрлар билан ишлаш, ҳисоботларни юритиш, Жамоатчилик қабулхоналари им­­­­кониятларидан самарали фойдаланиш масалаларида жиддий камчиликларга йўл қўйилгани маълум бўлди.

2016 йилда партиянинг жойлардаги Жамоатчилик қабулхоналарига келиб тушган аксарият мурожаатлар ҳал этилмасдан, ўз ҳолига ташлаб қўйилган. Шунингдек, партия ви­лоят кенгаши раисининг ўз ишига масъулиятсизлиги сабаб кадрлар қўнимсизлиги ҳолатлари авж олган.

Ижроқўм йиғилишида келгусида бундай камчиликларга йўл қўймаслик, партия қуйи ташкилотлари фаолиятини жонлантириш бўйича кўрсатмалар берилди.

Йиғилишда ташкилий масала кўрилди. Акмал Асатов ўз вазифасидан озод этилди. Унинг ўрнига Қизилтепа туман партия кенгаши раиси вазифасида фаолият кўрсатиб ке­лаётган Фазлиддин Темиров Навоий вилоят кенгаши раиси вазифасини вақтинча бажарувчи этиб сайланди.

 

Илҳом САТТОРОВ,

«Ўзбекистон овози» мухбири.



DB query error.
Please try later.