Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
23.02.2017

ИСТИҚБОЛЛИ ЛОЙИҲАЛАР ТАҚДИМ ЭТИЛДИ

«Ўзбекистон ХДПнинг энг фаол аёли» кўрик-танловининг Сирдарё вилоят босқичи кўтаринки руҳда ўтди.

— Мирзаобод туман Кенгаши депутати бўлганим учун фаолиятим давомида кўплаб хотин-қизлар билан учрашаман, уларнинг фикр-мулоҳазалари, таклифларини эшитаман, — деди танловнинг Сирдарё вилоят босқичи иштирокчиси Барно Жумаева. — Турли ташкилотлар ҳамкорлигида уларни ўйлантираётган муаммоларга ечим топишга ҳаракат қиламиз. Танловда қатнашиб, билимимни орттирганимдан хурсандман.

Танлов аввалида ЎзХДП Марказий Кенгаши сектор мудири Гулшан Асатова, вилоят партия кенгаши раиси вазифасини бажарувчи Акмал Турсунбоев хотин-қизларнинг ижтимоий-сиёсий фаоллигини ошириш долзарб масала эканини таъкидлашди ва барчага омад тилашди.

Иштирокчилар биринчи шартда бир-биридан қизиқарли лойиҳаларни тақдим этди. Хусусан, бўш турган бинолардан фойдаланиб, оилавий тадбиркорлик, маиший хизмат кўрсатишни ривожлантириш, ишлаб чиқаришни кенгайтириш билан боғлиқ лойиҳаларда хотин-қизлар бандлигини таъминлаш масаласига алоҳида эътибор қаратилди.

— Вилоятимизда 6 минг нафарга яқин хотин-қизлар партиямизга аъзо бўлган, — деди вилоят партия кенгаши сектор мудири Сабоҳат Зунунова. — Маҳаллий Кенгашлардаги аёл депутатларимиз эса 30 нафарни ташкил этади. Бу рақамлар хотин-қизларнинг жамиятдаги ўрни, нуфузи ошиб бораётганидан далолат беради. «Фаол аёллар» қаноти олис ҳудудларга етиб боришга, аёллар, уй бекалари билан дилдан суҳбатлашишга ҳаракат қилмоқда.

«Қонунларимиз ҳаётимиз асосидир», «Сиёсий ҳозиржавоблик» шартлари ҳам қизиқарли ўтди.

Якуний натижаларга кўра, Гулистон шаҳридан Нозима Тўрақулова биринчи ўринни қўлга киритди.

— Хурсандман, орзуим ушалди, — дейди танлов ғолиби. — Катта масъулият билан республика босқичига йўл оламан. Вилоятимиз шарафини муносиб ҳимоя қилишим керак. Демак, билим ва кўникмаларимни янада оширишим зарур.

Танловнинг ғолиб ва совриндорларига диплом ҳамда эсдалик совғалари топширилди.

 

Зилола УБАЙДУЛЛАЕВА,

«Ўзбекистон овози» мухбири.



Фикр ва мулохазалар

Защита от автоматических сообщений

Сўнгги янгиликлар: