Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
21.02.2017

МУРОЖААТ ВА ТАКЛИФЛАР

ҳар доим эътиборда бўлади

Олий Мажлис Сенати аъзолари ва Қонунчилик палатаси депутатлари иштирокида тузилган ишчи гуруҳ таркибида 1-7 февраль кунлари Бувайда туманида бўлдик. Дастлабки уч кун уйма-уй юриб, фуқаролар билан бевосита мулоқот ўтказдик. Уларни қийнаётган муаммолар ҳамда таклифлар муҳокама этилди. Шундан сўнг ўзимизга бириктирилган соҳани ўрганишга киришдик.

Таъкидлаш лозимки, халқ билан мулоқот жараёнида бу масаланинг нақадар тўғри ва самарали эканини англаб етдик. Тумандаги ижро ҳокимияти, прокуратура, ички ишлар ва бошқа ҳуқуқни муҳофаза қилувчи органлар фаолияти таҳлил этилди.

Шу қисқа вақт давомида 969 та хонадонга кириб борилди ва 650 масала рўйхатга олинди. Уларнинг 266 таси плас­тик карталар оқали тўловларни амалга ошириш, 83 таси банклар фаолияти билан боғлиқ бўлса, 50 мурожаат коммунал хизмат кўрсатиш соҳасига оид эди. Соғлиқни сақлаш тизимини янада яхшилаш билан боғлиқ 29 таклиф билдирилди. Иш билан таъминлаш масаласида 20 га яқин ва таълим соҳасига алоқадор 15 та мурожаат тушди. Қолган мурожаатлар пенсия ва нафақаларни тайинлаш, моддий ёрдам ажратилиши, ҳуқуқни муҳофаза қилувчи органлар фаолиятига доир ва бошқа турли ижтимоий соҳаларга тегишли бўлди.

Мурожаатлар таҳлил қилиниб, улардан 246 таси жойида ҳал этилди, 386 таси бўйича тегишли масъул идораларга кўрсатмалар берилди. 18 масала республика даражасида ҳал этилиши лозимлиги сабабли тегишли таклифлар ишлаб чиқилди.

Мулоқотлар давомида камчилик ва ­муаммоларга шахсан гувоҳ бўлдик. Масалан, Чўмбоғиш маҳалласидан Мух­торали Эсонқулов эшик-ром ясовчи уста бўлиб ишлайди. У ишлаб чиқаришни кенгайтириш учун кредит олишда қийналаётганини айтди. Амир Темур кўчасида яшовчи Кенжабой Маҳкамов қорамол боқиш учун кредит олиш нияти борлигини билдирди. Уларнинг мурожаати Халқ банки туман филиали ёрдамида ижобий ҳал этиладиган бўлди.

Андижон кўчасида яшовчи Акрамжон Турсуновнинг 1993 йилда туғилган 2-гуруҳ ногирон қизи бир жойда ётиб қолибди. Фуқаро қизини 1-гуруҳ ногиронлигига ўтказиш масаласида ёрдам сўради. Ишчи гуруҳ ташаббуси билан туман тиббиёт бирлашмасининг махсус комиссияси ­Акрамжоннинг уйига бориб, мавжуд аҳволни ўрганди ва масалани ижобий ҳал қилди.

Аҳолини қийнаётган яна кўплаб масалалар ҳам тегишли тартибда ўз ечимини топди. Шу билан бирга, ижро ҳокимияти, ҳуқуқни муҳофаза қилувчи идоралар раҳбариятининг фуқаролар билан ишлаш борасидаги камчиликлари кўрсатиб ўтилди ва уларга амалий ёрдам берилди.

 

Баҳром ОБИДЖОНОВ,

Олий Мажлис Қонунчилик палатасининг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси аъзоси, ЎзХДП фракцияси аъзоси.



DB query error.
Please try later.