Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
11.02.2017

НАҚД ПУЛ МУАММОСИ

ечим топаётганидан хурсандмиз

Меҳнат қилиб, унга муносиб ҳақ олиш инсоннинг устувор ҳуқуқларидан бири. Шунинг учун Президенти­мизнинг иш ҳақи, пенсия нафақа ва стипендияларни тўлаш механизмини такомиллаштиришга доир қарори ҳаммамизни хурсанд қилди.

Очиғини айтиш керак, одамлар анча вақтдан бери деҳқон бозорларидаги савдо-сотиқ жараёнларида, сартарошлик, косибчилик, дурадгорлик каби кундалик эҳтиёждаги хизматлардан фойдаланишда қийинчиликларга дуч келаётганди. Пластик карталар билан боғлиқ муаммолардан бошлари қотиб, таъмагир кимсаларга юкинишга мажбур бўлмоқда эди.

Устига-устак пенсия таъминоти ва почта ходимлари бошқа даромади бўлмаган отахону-онахонлардан «пенсия пулим тўлиқ пластик карта орқали етказиб берилишига розиман» мазмунида аризалар ёздириб олишаётгани, яна пенсия пуллари икки ойлаб кечиктирилаётгани одамларда ишончсизликка ўхшаш иккиланишларни юзага келтираётганди.

Яқинда кекса маҳалладошимиз пластик картадаги пулни нақдлаштириш юзасидан ёрдам сўради. Бу масалага Марказий банкнинг вилоят бош бошқармасига мурожаат қилиш орқали ижобий ечим топган эдик. Қанча асаб бузилиши ва олти соатдан ортиқ вақт йўқотиш эвазига эришилган натижа барибир кўнгилхираликни ёзолмаганди.

Президент қарори аҳолини нечоғли хурсанд қилганини шу мисолдан ҳам билиб олиш қийин эмас.

«2017 йил февраль ойидан бошлаб барча турдаги пенсиялар бутун мамлакат ҳудудида ҳеч қандай чекловларсиз тўлиқ ҳажм­да нақд шаклда берилади»;

«Тоғли ва олис туманлардаги бюджет ташкилотлари ходимларига иш ҳақи тўлаш, ижтимоий тўловлар ҳеч қандай чекловларсиз тўлиқ ҳажмда нақд шаклда амалга оширилади»;

«Олий ўқув юртлари талабаларига стипендияларнинг камида 50 фоизи нақд шаклда берилади».

Қарордан руҳланиб, ушбу сўзларни маҳалламиз гузаридаги «Янгилик ва ахборотлар» панносига катта ҳарфлар билан ёзиб қўйдик.

Нимага десангиз, одамлар нақд пул масаласида адолат қарор топаётганини ҳис этиши керак.

 

Маматвали ТУРҒУНОВ,

Наманган шаҳридаги «Бунёдкор» МФЙ «Нуроний» жамоатчилик маркази раҳбари,

ЎзХДП фаоли.



DB query error.
Please try later.