Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
11.02.2017

УЗОҒИМИЗ ЯҚИН БЎЛМОҚДА

Узун тумани тоғли ҳудудда жойлашган. Тумандаги Хонжиза маҳалласида 5 минг нафардан ортиқ аҳоли истиқомат қилади. Яқин-яқингача аҳолимизни йўл муаммоси қийнаб келарди. Қишли-қировли кунларда лой ва баҳорги кўчкилардан ҳафталаб марказга боролмаганмиз. Кундалик эҳтиёж маҳсулотларини олиб келиш учун отуловдан фойдаланган кезларимиз кўп бўлган.

2014 йилда 30 километрга яқин йўл фойдаланишга топширилди. Кенг ва равон йўл қурилиши билан ҳаётимиз тубдан ўзгарди. Бундан ташқари, қисқа вақтда 53-умумтаълим мактаби иш бошлади. Қатор савдо ва хизмат кўрсатиш шохобчалари узоғимизни яқин, оғиримизни енгил қилмоқда.

Президентимизнинг 2017 йил 12 январдаги аҳолига транспорт хизмати кўрсатиш ҳамда шаҳарлар ва қишлоқларда автобусларда йўловчилар ташиш тизимини янада такомиллаштириш чора-тадбирлари тўғрисидаги қарори, айниқса, олис ва чекка ҳудудларда истиқомат қилаётган ҳамюртларимиз учун айни муддао бўлди.

Қарорда транспорт воситаларини замонавий, қулай автобуслар ва микроавтобуслар билан янгилаш, йўналишларни оқилона ташкил этиш ва кенгайтириш, йўл қопламаларини биринчи навбатда қишлоқ жойларда яхшилаш ҳисобига аҳолининг талабларини тўлиқ қондиришни таъминлаш устувор вазифа қилиб белгиланган. Шу билан бир қаторда йўловчилар ташиш хавфсизлигини кучайтириш, йўналишлар бўйича ҳаракатланиш жадвалларига қатъий риоя этилишини таъминлаш, кўрсатилаётган хизматларнинг сифат даражасини ошириш, йўловчилар ташиш соҳасида истеъмолчилар ҳуқуқларини ҳимоя қилиш тизимини шакллантириш, йўлкира ҳақи учун нақд пулсиз тўлов тизимини жорий қилиш чоралари кўрилиши ҳаммамизни мамнун этди.

Келажакда олис қишлоқларимизда ҳам замонавий автобус ва микроавтобуслар қатнайди. Янги йўналишлар ташкил қилиниб, автостанция ва тўхташ пунктлари қурилади. Қишлоқ аҳолиси бандлиги таъминланади. Бу эса ривожланиш ва тараққиётга хизмат қилиши муқаррар. Бир сўз билан айтганда, Президентимизнинг қарори халқимиз, айниқса, электоратимизни қўллаб-қувватлаш ва манфаатларини ҳимоя қи­лишда ўзига хос дастурил­амал бўлди.

 

Абдулла МУҚИМОВ,

шифокор, ЎзХДП фаоли.



DB query error.
Please try later.