Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
09.02.2017

«ЧЕМПИОНЛАРГА ҲАВАСИМ КЕЛАДИ»

Зилола Жўраева эндигина ўн ёшга тўлди. У Сергели туманидаги 317-умумтаълим мактабининг 4 «В» синфида ўқийди. Дарс­дан бўш вақтларида спортнинг ўзбек жанг санъати тури билан шуғулланади. У ўз ёш гуруҳи бўйича шаҳар ва мамлакат чемпионатлари ғолиби.

— Беш ёшимда ойим бадиий гимнастика тўгарагига олиб борганлар, — дейди ­Зилола. — Маълум муддат шу спорт тури билан шуғуллангач, ўзбек жанг санъатига қизиқиб қолдим. Беш йилдан бери мураббийимиз Исломжон Раҳмоновдан сабоқ оляпман.

— Қизимиз кичкиналигида бирмунча нимжон эди, — дейди онаси Камола Жўраева. — Шифокорларнинг тавсиясига кўра, уни спорт тўгарагига олиб борганман. Мураббийлар ва уларнинг машғулотлари Зилолага жуда маъқул келиб, у тезда спортга ошно тутинди. Дадаси иккимиз унинг бадиий гимнастика бўйича маҳоратини оширишини истагандик. Аммо қизимиз кейинчалик жанговор спорт турини танлади. Кўз тегмасин, унинг қўлга киритаётган натижалари чакки эмас. Зилола ҳар сафар мусобақалардан медаль билан қайт­ган кунлари уйимизда байрам бўлади.

Ўтган йили юртимиз олимпиячилари учун муваффақиятли келди. Ўзбекистон спорт делегациясини Тошкент хал­қ­аро аэропортида тантанали кузатиш ва кутиб олиш маросимларида Зилола онаси билан бирга қатнашди.

— Чемпионларга ҳавасим келади, — дейди кўзида қувонч билан Зилола Жўраева. — Рио-де-Жанейро олимпиадасида спортчиларимизнинг чиқишларини диққат билан кузатдим. Уларнинг ҳар бирини телевизор олдида қўллаб-қувватлаб, ғалаба ёр бўлишини тиладим. Келажакда улар каби чемпион бўлишни хоҳлайман.

 

Эркин ХОЛБОБО,

«Ўзбекистон овози» мухбири.



DB query error.
Please try later.