Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
04.02.2017

ЗАМОН ТАЛАБИДАГИ ДАРГОҲ

Бугун юртимиздаги замонавий мактаб, лицей ва касб-ҳунар коллежлари бинолари ҳар биримизда фахр-ифтихор туйғуларини уйғотади. Пойтахтимиздаги Мирзо Улуғбек транспорт касб-ҳунар коллежи ҳам ана шундай кўркам таълим масканларидан биридир.

Бу ерда ёшлар пухта билим олишларини таъминлаш учун лингафон хонаси, лаборатория ташкил этилган, ўқув-амалиёт хоналари интернет тармоғига уланган. Компьютер синфи, спорт зали, кутубхона ва бош­қа имкониятлар яратилган.

Коллежда «Автомобилларни таъмирлаш ва техник хизмат кўрсатиш бўйича техник-механик», «Транспорт­ларда ташиш ва бошқаришни ташкил этиш», «Автомобилларни бўяш ва кузов ишлари бўйича техник механик», «Автомобиль йўллари, кўприклар, транспорт иншоотлари ва аэродромларни қуриш, фойдаланиш ва таъмирлаш техниги», «Бухгалтерия» йўналишлари бўйича ўрта махсус маълумотли мутахассислар тайёрланмоқда. Бугунги кунда бу даргоҳда 781 нафар ўқувчига 55 нафар ўқитувчи ва ишлаб чиқариш таълим усталари касб-ҳунар сирларини ўргатмоқда.

— Асосий эътиборни замон талабидаги мутахассислар тайёрлашга қаратганмиз, — дейди ўқув ишлари бўйича директор ўринбосари Самариддин ­Кенжаев. — Бунинг учун коллежимизда барча зарур қулайликлар мавжуд. 22 мингдан ортиқ китоб фондига эга ахборот-ресурс маркази фаолият кўрсатади. Унда дарслик ва ўқув қўлланмалар, рус ва ўзбек тилидаги бадиий китоблар, электрон дарсликлар, электрон каталоглар, маълумотномалар базаси яратилган. Шунингдек, алоҳида мутолаа хонасида ўқувчиларимиз 12 номдаги газета ва журналларни ўқиб боришади.

 Коллеж ўқувчилари орасида Республика фан кўрик-танлови совриндорлари ҳамда Ўзбекис­тон, Осиё чемпионлари бўлган спортчилар ҳам бор. Айни пайт­да таълим маскани 72 корхона билан ҳамкорликни йўлга қўйган. Шу боис битирувчиларнинг иш билан таъминланганлик даражаси 100 фоиз кўрсаткичга эга. Бундан ташқари, коллежда Тошкент автомобиль йўллари, ирригация ва мелиорация ­институтлари, Низомий номидаги Тошкент давлат педагогика университети билан илмий-амалий ҳамкорлик йўлга қўйилган.

 

Абдусалим МАҲМУДОВ,

«Ўзбекистон овози» мухбири.



DB query error.
Please try later.