Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
02.02.2017

ҲАМЖИҲАТЛИК, ҲАМКОРЛИК

Ўзбекистон Мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди «Давлат ҳокимияти ва бош­қаруви органлари ахборот хизматлари ва глобал интернет тармоғида фаолият кўрсатаётган миллий веб-ресурслар ўртасида ўзаро ҳамкорлик алоқаларини кучайтириш» мавзуида матбуот анжумани ўтказди.

Республикамиздаги бир қатор вазирлик ва идораларнинг ахборот хизматлари ходимлари иштирокида ўтказилган йиғилишда давлат ҳокимияти ва бошқаруви органлари ахборот хизматлари ҳамда миллий веб-порталлар ўртасидаги ҳамкорлик алоқалари, соҳага оид янгиликлар, долзарб масалалар, муаммо ва камчиликлар муҳокама этилди.

— Бугунги кунда интернет тармоғида фаолият кўрсатаётган оммавий ахборот воситаларининг аксария­ти ахборотни шакллантириш ва тарқатиш характеридаги медиа тузилмалардир, — дейди Ўзбекистон Мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди директори Абдулазиз Абдуллаев. — Ҳозирда улар томонидан интернет тармоғи орқали ўзбек ва саккизта хорижий тилда ахборот тарқатилмоқда. «Uz» доменида 30 мингга яқин веб-сайт бўлиб, уларнинг 395 таси интернет оммавий ахборот воситаси сифатида фаолият кўрсатмоқда. Бутунжаҳон глобал тармоғидан фойдаланувчилар сони йил сайин ортиб бораётган бир пайтда веб-сайтлар фаолиятини такомиллаштириш муҳим аҳамият касб этади. Бу борада «Давлат ҳокимияти ва бошқаруви органлари фаолиятининг очиқлиги тўғрисида»ги қо­нун нормаларининг ҳаётга татбиқ этилиши долзарб масаладир.

2017 йилнинг Халқ билан мулоқот ва инсон манфаатлари йили, деб эълон қилингани аҳоли билан доимий мулоқот ўрнатишни, фуқароларни ўйлантираётган долзарб масалаларга ечим топиш бўйича янги механизм ва самарали усулларни жорий этишни талаб этмоқда.

Тадбирда давлат ҳокимия­ти ва бошқаруви органлари ахборот хизматлари салоҳия­тини янада юксалтириш, бунда замонавий ахборот-коммуникация технологиялари ва интернетнинг имкониятларидан унумли фойдаланиш юзасидан таклифлар билдирилди.

 

Тоштемир ХУДОЙҚУЛОВ,

«Ўзбекистон овози» мухбири.



DB query error.
Please try later.