Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
31.01.2017

ТОШКЕНТ ШАҲРИДА

аҳолига транспорт хизмати кўрсатиш тубдан яхшиланади

Тошкент шаҳар ҳокимлигида «Тошшаҳартрансхизмат» акциядорлик жамияти томонидан матбуот анжумани ўтказилди.

Бугунги кунда тасарруфида 32 корхона мавжуд бўлган «Тошшаҳартрансхизмат» акциядорлик жамиятида 3 минг 500 дан зиёд ҳайдовчи ва чиптачи меҳнат қилмоқда. Ўтган йили мазкур жамият томонидан 272 миллиондан ортиқ йўловчи ўз манзилига етказилди. 80 та «Isuzu» русумли автобус харид қилиниб, 181 иш ўрни яратилди.

Бугунги кунда Тошкент шаҳридаги жами 128 йўналишда ҳаракатланаётган 1442 автобусга GPS треккерлари ва GPS/GSM антеналари ўрнатилган. Бунинг натижасида ҳайдовчиларнинг ҳаракат интервалларига риоя қилиши таъминланмоқда.

Шунингдек, йўловчиларга қўшимча қулайликлар яратиш ҳамда жамоат транспортида GPS-тизимининг ишлашини янада такомиллаштириш мақсадида «Grand Technology System» МЧЖ ҳамкорлигида «Tashbus» мобиль иловаси ишга туширилди. Ундан фойдаланиш имконияти Android ва Apple iOS дастурларида мавжуд бўлиб, ҳозирги кунда уни 80 минг­дан ортиқ фойдаланувчи юклаб олган. Барча йўловчилар ҳам бу хизматдан фойдалана олмаслиги инобатга олиниб, «Grand Technology System» ва «QUVA» МЧЖлар билан ҳамкорликда Тошкент шаҳридаги бир қатор бекатларга автобусларнинг келиш вақти акс эттирилган элект­рон ахборот таблолар ўрнатилиб, синовдан ўтказилмоқда.

2017 йилда шаҳар жамоат транспортлари оралиқ бекатларига камида 100 та электрон ахборот табло ўрнатиш режалаштирилган. Улар автобусларнинг йўналиш рақами, бекат номи, автобусларнинг неча дақиқада келиши, валюта курси ҳамда об-ҳаво бўйича маълу­мотлар беради.

— Тошкент шаҳрида 2100 дан ортиқ бекат мавжуд бўлиб, ҳозирга қадар уларнинг 100 дан зиёди ойнали бекатларга айлантирилди, 20 дан кўпроғида электрон ахборот табло ўрнатилди, — дейди Тошкент шаҳар ҳокимининг ўринбосари, «Тошшаҳартрансхизмат» акциядорлик жамияти бошқаруви раиси Отабек Содиқов. — 2017 йилда яна 100 дан ортиқ ойнали бекатлар қурилади. Жорий йилдаги энг катта лойиҳаларимиздан яна бири йўловчи ташиш транс­портларида электрон тўлов тизимини жорий этишдир. Шунингдек, автобус паркини босқичма-босқич янгилаш ишлари давом эттирилади. «Mersedes Benz» автобусларига эҳтиёт қисмлар сотиб олиш бўйича «Эво Бус Гмб Х» компанияси билан шартнома тузилган.

Матбуот анжуманида журналистлар ўзларини қизиқтирган саволларга батафсил жавоб олишди.

 

Шаҳбоз САИДОВ,

«Ўзбекистон овози» мухбири.



DB query error.
Please try later.