Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
31.01.2017

ОЧИҚ МУЛОҚОТ

Ўзбекистон Республикаси Давлат божхона қўмитаси Тошкент шаҳар бошқармасида тадбиркорлик субъектлари, хусусан, экспорт ҳамда ишлаб чиқариш фаолияти билан шуғулланувчи ташқи иқти­содий фаолият қатнашчилари иштирокида учрашув ташкил этилди.

Очиқ мулоқот тарзида ўтган тадбирда Ўзбекистон Республикаси Президенти Девони, Тошкент шаҳар ҳокимлиги, Ташқи иқтисодий алоқалар, инвестициялар ва савдо вазирлиги ҳамда Адлия бошқармаси, Савдо-саноат палатаси, Марказий банк­нинг Тошкент шаҳар бош бош­қармаси, шунингдек, сертификатлаштириш идораларининг масъул ходимлари ҳамда оммавий ахборот воситалари вакиллари иштирок этди.

Учрашувда ишбилармонлар манфаатларини таъминлаш, уларнинг тўлақонли фаолият юритишига тўсқинлик қилаётган омилларни аниқлаш ва зудлик билан бартараф этиш масалалари ҳақида сўз борди.

Таъкидланганидек, бу йўналишда Президентимизнинг 2016 йил 5 октябрдаги «Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар тўғрисида»ги фармони муҳим аҳамият касб этмоқда.

Ушбу фармон ижроси доирасида Тошкент шаҳар божхона бошқармаси ҳамда «Тошкент-Аэро» ИБК томонидан ҳам тегишли чора-тадбирлар амалга ошириб келинмоқда. Жумладан, Жамоатчилик маслаҳат кенгаши ташкил этилган бўлиб, мазкур кенгашга тадбиркорлик субъектлари ва божхона брокерлик фирмалари вакиллари аъзо сифатида қабул қилинган.

Кенгашнинг асосий мақсади кичик бизнес ва хусусий тадбиркорларни қўллаб-қувватлаш, тадбиркорлик фаолия­тида божхона соҳасига доир муаммоларни ўз вақтида бартараф этиш, божхона ходимлари томонидан тадбиркорлик фаолиятига қонунга хилоф равишда аралашиш ва тўсқинлик қилиш ҳолатларига йўл қўй­масликни таъминлашдан иборатдир.

2016 йилда Тошкент шаҳар божхона бошқармаси ҳамда «Тошкент-Аэро» ИБКда жами 1326 нафар жисмоний ва юридик шахс қабул қилинган.

Тадбир давомида узлуксиз ишлаётган (0-371) 120-76-76, 120-86-30 рақамли «Ишонч телефонлари» ҳақида иштирокчиларга маълумот берилди.

— Мен ушбу очиқ мулоқотда божхона тизимида биз, тадбиркорлар учун яратилаётган шарт-шароитлар, шунинг­дек, турли ғов ва тўсиқларни бартараф этиш бўйича амалга оширилаётган чора-тадбирлар хусусида муҳим маълумотларга эга бўлдим, — дейди Қибрай туманида фаолият кўрсатаётган якка тадбиркор Равшан Нуриддинов. — Бундай очиқ мулоқотлар кўпроқ ўтказилса, айни муддао бўлар эди.

Савол-жавоб ва баҳс-мунозараларга бой тарз­да ўтган мулоқотда тадбиркорлар ўз саволларига жавоб олишди.

 

Мирбахтиёр МИРФАЙЗИЕВ,

«Ўзбекистон овози» мухбири.



DB query error.
Please try later.