31.01.2017

ЮКСАК ЭҲТИРОМ

Биринчи Президентимиз Ислом Каримовнинг таваллуд куни муносабати билан жойларда маънавий-маърифий тадбирлар давом этмоқда.

Самарқанд давлат чет тиллар институтида бўлиб ўтган тадбирда институт ўқитувчилари, талабалари иштирок этди.

— Мамлакатимиз раҳбари Шавкат Мирзиёевнинг «Ўзбекистон Республикасининг Биринчи Президенти Ислом Абдуғаниевич Каримовнинг хотирасини абадийлаштириш тўғрисида»ги қарорини халқимиз катта мамнуният билан қарши олди, — дейди институт ректори Илҳомжон Тўхтасинов. — Мазкур ҳужжатда таъкидланганидек, мустақил Ўзбекис­тон давлатининг асосчиси, буюк давлат ва сиёсат арбоби Ислом Каримов Ватанимизни мустабид тузум қарамлигидан озод қилди. Буюк Йўлбошчимиз ғоят қалтис ва таҳликали бир вазиятда оғир қийинчиликлар ва синовларга қарамай Ўзбекистонни жадал ва барқарор суръатлар билан ривожланаётган замонавий демократик давлатга айлантирди.

Маънавий-маърифий ишлар бўйича институт проректори Ҳусниддин Норқулов истиқлол йилларида амалга оширилган кенг кўламли ислоҳотлар, эришилган ютуқлар Ислом Каримов номи билан боғлиқ эканига тўхталди.

«Ўзбекистон овози» ва «Голос Узбекистана» газеталарининг Бош муҳаррири Сафар ОстоновБиринчи Президентимиз  оддий Президент эмасди, доно, жасоратли, ғурури баланд Президент эди, деди ва бу ҳақида тарихий мисоллар асосида ҳикоя қилди.

Тадбирда сўз олган ўқитувчилар, талабалар Биринчи Президентимиз таваллуд топган кун ўзлари учун улуғ кун бўлиб қолишини айтишди. Ислом Каримов ҳаёти ва фаолиятига оид мавзуларда ўзбек ва инглиз тилларида шеърлар ўқилди, саҳна кўринишлари намо­йиш этилди.

 

Абдурасул САТТОРОВ,

«Ўзбекистон овози» мухбири.



DB query error.
Please try later.