Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
26.01.2017

ҚОНУН УСТУВОРЛИГИ ВА ИНСОН МАНФААТЛАРИ

Айни кунларда «2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракат стратегияси» лойиҳаси жамоатчилик томонидан кенг муҳокама қилинмоқда. Пойтахтимизда ўтказилаётган медиа-ҳафталик доирасидаги тадбирларда ҳам жамиятимизнинг турли соҳаларини ислоҳ этиш масалалари юзасидан долзарб фикр-мулоҳазалар билдирилмоқда.

Ҳафталикнинг иккинчи куни «Қонун устуворлигини таъминлаш ва суд-ҳуқуқ тизимини янада ислоҳ қилишнинг устувор йўналишлари», деб номланган тақдимот билан бошланди. Унда Олий Мажлис Қонунчилик палатаси депутатлари, Сенат аъзолари, Олий суд, Бош прокуратура, Адлия вазирлиги, Тошкент давлат юридик университети вакиллари, ҳуқуқшунос олимлар, экспертлар ва журналистлар иштирок этди.

Қайд этилдики, демократик давлатда суд тизими инсон ҳуқуқлари ҳимоясига қаратилган механизмнинг асосини ташкил этади. Шунинг учун суд-ҳуқуқ соҳасидаги ислоҳотлар кўлами ва миқёси кенгайиб, янги босқичга кўтарилаётир.

Ҳаракат стратегиясига кўра, суд ишларини юритишнинг процессуал тартибини соддалаштириш, жиноий жазоларни либераллаштириш, одил судлов ҳимоясидан фойдаланиш имкониятини кенгайтириш, миллий қонунчилигимизни дунё стандартлари, халқаро ҳуқуқ нормаларига мослаштиришга қаратилган муҳим чора-тадбирларни амалга ошириш кўзда тутилган. Жумладан, «Хабеас корпус» институтини қўллаш соҳасини кенгайтириш, тергов устидан суд назоратини янада кучайтириш, судьяларни ихтисослаштириш бўйича чоралар кўрилади. Судлар фаолиятига замонавий ахборот технологияларини жорий этиш ҳам муҳим вазифалардан биридир.

Қонун устуворлигини таъминлаш ва суд-ҳуқуқ тизимини янада ислоҳ қилишнинг бош­қа устувор йўналишлари ҳақида ҳам атрофлича маълумотлар берилди, қизғин савол-жавоблар бўлди, таклифлар ўртага ташланди. Баҳс-мунозараларда кенг жамоатчилик вакиллари фаол иштирок этди.

Ҳафталик доирасидаги тадбирлар давом этяпти.

 

Равшан ШОДИЕВ,

«Ўзбекистон овози» мухбири.



DB query error.
Please try later.