Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
26.01.2017

ЁШЛАР БИЛАН МУЛОҚОТ

Ўзбекистон ХДП Марказий Кенгаши «Ёш сиёсатчилар» клуби координаторлари иштирокида давра суҳбати ўтказди. Тадбирда Президентимизнинг Вазирлар Маҳкамаси мажлисидаги маърузаси мазмун-моҳиятини чуқур ўрганиш ва кенг тарғиб этиш масалаларига эътибор қаратилди.

Ёшларнинг ижтимоий-сиё­сий ва ҳуқуқий маданиятини юксалтириш бўйича чора-тадбирлар режасини ишлаб чиқиш лозимлиги таъкидланди. Шунингдек, ёшлар орасига чуқурроқ кириб бориш, уларнинг фикр-мулоҳазаларини ўрганиш мақсадида «Ёшлар — ёшларга» услубида давра суҳбатлари, семинар-тренинглар ташкил этиш, тадбирларда ҳамкор ташкилот вакилларининг кенг иштирокини таъминлаш ҳақида тавсиялар берилди. «Муаммоларни ҳал этишда менинг иштироким» лойиҳасини самарали амалга ошириш бўйича координаторлар ўз таклифларини билдиришди.

— Президентимиз томонидан танқидий таҳлил асосида айтилган фикр-мулоҳазалар, илгари сурилган ғоялар мамлакатимиз ёшларини янада ташаббускор бўлишга чорлади, — деди Тошкент давлат шарқшунослик институти талабаси Абрам Қурбанбаев. — Президентимиз маърузасида олий таълим муассасалари битирувчиларини ишга жойлаштириш йўналишида вужудга келаётган муаммоларнинг ечими юзасидан берилган топшириқ барча талабаларни қувонтирди.

Чиндан ҳам, ўз мутахассислиги бўйича иш топа олмаётган ёшлар оз эмас. Улар қўллаб-қувватлаш ва ёрдамга муҳтож.

— Партиямиз сафидаги ёшлар ўртасида тарғибот-тушунтириш ишларини кучайтириш бўйича ўзимизга бир қанча вазифаларни белгилаб олдик, — деди Тошкент шаҳар партия кенгаши Ёшларнинг ижтимоий-сиёсий фаоллигини ошириш сектори мудири Нодира Ғофурова. — Жумладан, ёшларнинг китоб мутолаасига қизиқишини ошириш, бой тарихимиз ва илм-фан ютуқлари ҳақида тарғибот ишларини мунтазам йўлга қўйишимиз лозим. Айниқса, уюшмаган ёш­лар билан доимий мулоқот қилувчи гуруҳлар ташкил этиш мақсадга мувофиқ бўлади.

Давра суҳбатида ёшларни ўйлантираётган масалалар юзасидан таклифлар ўртага ташланди, фикр-мулоҳазалар билдирилди. Тарғибот ишларини самарали йўлга қўйиш бўйича тавсиялар ишлаб чиқилди.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.