Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
26.01.2017

ПАРТИЯМИЗНИНГ ЭНГ ФАОЛ АЁЛЛАРИ

«Ўзбекистон ХДПнинг энг фаол аёли» кўрик-танловининг Самарқанд вилоят босқичи ўтказилди. «Ташаббус ва ғояларимиз мустақил Ўзбекистон тараққиёти учун!» шиори остида ўтказилган мазкур тадбирда партия Марказий Кенгаши масъул­лари, депутатлар, фаоллар ва жамоатчилик вакиллари иштирок этди.

Тадбирда мустақиллик йилларида мамлакатимизда хотин-қизларнинг ҳуқуқ ва манфаатларини таъминлаш борасида амалга оширилган ишлар алоҳида таъкидланди. Бугунги кунда вилоятда ЎзХДП аъзоларининг 43,6 фоизини хотин-қизлар ташкил этаётганлиги, уларнинг 35 нафари маҳаллий Кенгашлар депутати экани айтиб ўтилди.

Шартларга пухта ҳозирлик кўрган иштирокчилар ўз билим ва иқтидорини намойиш этишга ҳаракат қилди. Ҳакамлар ҳайъати уларнинг чиқишларини мамлакатимизда амалга оширилаётган ислоҳотларнинг мазмун-моҳиятидан хабардорлиги, тақдим этаётган лойиҳаларининг ижтимоий йўналтирилганлиги, долзарблигига қараб баҳолади. Иштирокчилар хотин-қизлар учун бар­қарор иш ўринлари яратиш, уларнинг турмуш фаровонлигини ошириш масалаларига алоҳида эътибор қаратди.

Қонунлар шарҳи, сиё­сий ҳозиржавобликка оид шарт­лардан сўнг эса кучли учлик номи аниқланди.

Унга кўра, Самарқанд иқтисодиёт ва сервис институти ўқитувчиси Санобар Қипчақова ғолиб чиқиб, танловнинг республика босқичига йўлланма олди. Пайариқ иқтисодиёт касб-ҳунар коллежи ўқитувчиси Зилола Расулова иккинчи, «Камолот» ёшлар ижтимоий ҳаракати Тайлоқ туман бўлими етакчиси Дилноза Рустамова учинчи ўринга сазовор бўлишди.

Шунингдек, турли номинациялар бўйича ҳам ғолиблар тақдирланди.

 

Ўз мухбиримиз.



DB query error.
Please try later.