Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
24.01.2017

ГЕРМАНИЯДА ЎЗБЕКИСТОН ТЎҚИМАЧИЛИК САНОАТИНИНГ ТАҚДИМОТИ

«Ўзбекенгилсаноат» акционерлик жамияти ва қатор ишлаб чиқариш компаниялари вакилларидан иборат Ўзбекистон делегацияси Франкфуртдаги «Heimtextil-2017» Халқаро енгил саноат кўргазмасида иштирок этди. Ушбу халқа­ро тадбирда мамлакатимиз енгил саноатининг экспорт ва сармоявий имкониятлари намойиш этилди.

Мазкур кўргазма енгил саноат жабҳасидаги энг йирик халқаро тадбирлардан бири ҳисобланади. Жорий йилда 42-маротаба ўтказилган ушбу кўргазмада дунёнинг 67 мамлакатидан қарийб 3 минг компания қатнашди.

Республикамизнинг пахта толасини чуқур қайта ишлаш ва юқори сифатли тўқимачилик маҳсулотларини ишлаб чиқариш борасидаги имкониятлари ўсиб бораётгани билан боғлиқ маълумотлар Ўзбекистон бўлмаси меҳмонларида катта қизиқиш уйғотди. Немис компаниялари вакиллари мамлакатимиз енгил саноат корхоналари билан ўзаро манфаатли алоқаларни ўрнатиш ҳамда улар ишлаб чиқарган маҳсулотларни Германия бозорида илгари суриш юзасидан ҳамкорликка тайёр эканликларини маълум қилдилар.

Делегация сафари доирасида Ўзбекистон Республикасининг Берлиндаги элчихонасида мамлакатимиз енгил саноатининг тақдимот маросими ҳам бўлиб ўтди. Унда республикамиз ижтимоий-иқтисодий ривожланиши, хорижлик сармоядорларга тақдим этилган имтиёз ва енгилликлар ҳамда мамлакатимиз иқтисодиётини, шу жумладан, тўқимачилик жабҳасини модернизациялаш бўйича ҳаётга татбиқ этилаётган чора-тадбирлар ҳақида атрофлича фикр юритилди.

Маросим сўнггида «Жаҳон» ахборот агентлигининг мухбири тақдимотнинг айрим ташкилотчилари ва қатнашчилари билан суҳбатда бўлди.

Юрген Верц, центра «Messe Frankfurt» кўргазмалар марказининг минтақавий директори:

— Ўзбекистоннинг улкан иқтисодий ва сармоя­вий салоҳиятини ҳисобга олган ҳолда биз 2014 йили Тошкентда «Messe Frankfurt»нинг ваколатхонасини очдик. Кўзлаган мақсадимиз ўзаро шерикликни, жумладан, енгил саноат соҳасидаги ҳамкорликни кенгайтиришга фаол кўмаклашишдир.

Биз «Heimtextil-2017» халқаро кўргазмасида Ўзбекистон вакиллари иштирокини табриклаётганимиздан мамнунмиз. Бундан ташқари, келгуси «Heimtextil-2018» кўргазмасида ҳам республикангиз ўз стенди билан иштирок этиши юзасидан келишувга эришдик. Ишончим комилки, бу Европа ҳамда дунёнинг бошқа минтақалари бозорларига ўзбек тўқимачилик маҳсулотларини экспортини илгари суриш ишига кўмаклашади.

Йоханнес Зандер, «Pro Baltukum» компаниясининг лойиҳалар раҳбари (Росток шаҳри):

— Бугун ўзбек тўқимачилик компанияларининг менежерлари билан ўтказган музокараларимиз жуда фойдали ва мазмунли бўлди. Ўзбекистонда ишлаб чиқарилган тайёр тикув-трикотаж маҳсулотларининг намуналари билан танишар эканмиз, тўқимачилик саноати республика иқтисодиётининг энг истиқболли тармоқларидан бири эканлигига амин бўлдик. Ўзбек ишлаб чиқарувчиларининг экспортга мўлжалланган товарлари сифати халқаро андозаларга тўла жавоб беради. Улар Европа бозорларида рақобатбардошлигини тўла намоён этишга муносибдир. Биз ўзбек шерикларимизнинг тўқимачилик буюмлари экспорти ҳажмларини оширишга бўлган интилишларини қўллаб-қувватлашга тайёрмиз.

Салим Холид, «Sartex Quilts & Textiles Ltd.» компанияси директори (Буюк Британия):

— Кейинги йигирма йил давомида ушбу халқ­аро тўқимачилик кўргазмасида мунтазам қатнашиб келамиз. «Heimtextil» янги алоқалар ўрнатиш ва ўзаро манфаатли шартномалар тузиш учун жуда яхши минбар ҳисобланади. Биз ушбу йирик ва нуфузли кўргазмада Ўзбекистон вакиллари иштирок этаётганидан мамнунмиз. Биз ҳам ўзбекис­тонлик ҳамкасбларимиз билан узоқ муддатли ҳамкорликни ривожлантиришга тайёрмиз.

 

«Жаҳон» АА,

Берлин.



DB query error.
Please try later.