Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
24.01.2017

ИНСОН МАНФААТЛАРИ ҲАММА НАРСАДАН УСТУН

Жорий йилнинг Халқ билан мулоқот ва инсон манфаатлари йили деб номланиши партия фаоллари, депутатлар зиммасига ҳам бир қатор вазифалар юклайди. Электоратни ўйлантираётган масалаларни чуқурроқ ўрганиш учун улар билан доимий учрашувлар ўтказиш, кўпроқ халқнинг ичига кириб боришимиз зарур. Давлатимиз раҳбари ўзининг ҳар бир маърузасида қонун устуворлигини таъминлаш, оддий одамларнинг манфаатларини ҳимоя қилиш зарурлигини алоҳида таъкидламоқда.

Партиямиз тизимида фаолият юритаётган Жамоатчилик қабулхоналари айни шу мақсадга хизмат қилмоғи лозим. 2016 йилда Навбаҳор туман кенгаши ҳузуридаги Жамоатчилик қабулхонасига фуқароларимиздан жами 60 мурожаат келиб тушди. Уларнинг аксария­ти коммунал соҳа ва бандлик масаласида бўлди.

Афсуски, мурожаатларнинг барчасини ижобий ҳал қилдик, дея олмаймиз. Бугун депутатлар мурожаатларни номига қайд этиб қўйиш билан эмас, балки уларнинг ижобий ечимини топиш, ўз сайловчиларини рози қилиш учун ҳаракат қилиши, курашиши зарур.

Президентимизнинг «Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида»ги Фармони очиғи, одамларнинг ўзига ишончини янада оширди. Энди фуқароларимиз қандайдир муаммога дуч келса, уни ҳал этиш учун идорама-идора юриб, қайсидир раҳбарнинг олдига кириш учун овора бўлиб, вақтини беҳуда ўтказмайди. Энг муҳими, мурожаатлар эътиборсиз қолмайди, албатта, ҳал этилади.

Тўғриси, биз ҳам шу пайтгача сайловчилар томонидан кўтарилган муаммоларни тўлақонли ўрганиб, уларнинг келиб чиқиш сабабларини батафсил таҳлил этолмасдик. Айрим мутасаддилар эса депутат сўровига нисбатан умуман бефарқ муносабатда бўларди. Бундай ҳолатлар муаммонинг ҳал бўлишига салбий таъсир кўрсатмасдан қолмайди, албатта.

 Бугун эса раҳбарларга, депутатларга талаб бутунлай бошқача. Шундан келиб чиқиб, сансоларликка йўл қўяётган раҳбарлар фаолиятини сессиялар муҳокамасига олиб чиқсак, муаммоли масалаларни холис таҳлил қилсак, ўйлайманки, ишимизда ижобий ўзгаришлар бўлади.

Бугун одамлар билан ҳамнафас, ҳамфикр бўлмаган депутат ишончни оқлай олмайди. Шундай экан, халқ билан мулоқотни янада кучайтириш, мурожаатларни ўз вақтида ижобий ҳал қилиш учун кўпроқ ташаббусларни илгари суришимиз, виждонан ишлашимиз зарур.

 

Феруза РАҲИМОВА,

халқ депутатлари Навбаҳор туман Кенгашидаги ЎзХДП гуруҳи раҳбари.



DB query error.
Please try later.